E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Doli bllof me videon për nënën e djalit të dhunuar/ Reagon Veliu: Fjalia ime është nxjerrë nga konteksti

29 Maj 2020, 16:39, Politikë CNA

Një lumë reagimesh kanë ardhur pasi drejtori i Përgjithshëm i Policisë së Shtetit Ardi Veliu publikoi një video të nënës së 15-vjeçarit të dhunuar nga policia, ku shihej me një armë në dorë.

Pak minuta më parë ka ardhur edhe reagimi i Veliut, i cili thotë se ndihet i keqardhur që Policia e Shtetit bëhet rregullisht shënjestra e atyre që kurrë nuk e thanë një fjalë motivuese për të.

Drejtori i Policisë pretendon se fjalia e tij është nxjerrë nga konteksti, ndërsa thotë se nuk ka dashur të justifikojë dhunën ndaj të miturit, por ka qenë një ilustim. Ai thekson se punonjësi që ka ushtruar dhunë është pezulluar dhe po hetohet.

?Ndërkohë që ne jemi organizata më rigoroze në goditjen e fenomeneve brenda vetes, mjafton që një punonjës i ynë të bëjë një gabim dhe megjithëse ndëshkohet në radhë të parë prej nesh, prapëseprapë goditja vijon ndaj Policisë së Shtetit. Sot unë jam vënë personalisht në shënjestër dhe më vjen keq për deformimin që po i bëhet realitetit të ngjarjes për të cilën fola dhe vetë qasjes sime ndaj saj. Së pari, fjala ime nuk mund të nxirret nga konteksti siç po bëhet. Së dyti, kam bërë një ilustrim të idesë se nuk mundet të fajësohet gjithnjë e vetëm punonjësi i Policisë duke u kapur pas një fotoje të rastit, pa konsideruar tërë kontekstin e një situate.

Së treti, kam sqaruar se punonjësi në fjalë është pezulluar dhe ka nisur hetimi disiplinor dhe penal për të. Së katërti, unë po komunikoja hapur me deputetët, një shqetësim që është i mbarë punonjësve tanë, për demonizimin që i bëhet figurës së Policit të Shtetit dhe nuk doja të thosha më shumë se kaq. Por në fund dëshiroj t’u them të gjithë atyre që po e gjykojnë me ngut këtë “krim” të radhës, se nëse nuk kam arritur dot ta sqaroj si duhet atë çka kisha qëllim, kjo nuk mjafton për të më gjykuar me qëllim. Këtë detyrë e kam mbajtur dhe do ta mbaj deri në fund me nder dhe puna ka folur e do të flasë për mua dhe Policinë e Shtetit më mirë se sa fjalët tona?, thekson Veliu, ndërsa kërkon ndjesë për atë që e quan keqkuptim./ CNA.al