web counter
LEXO PA REKLAMA!

SHKARKO APP

App Store
Google Play

Paloka zbulon “skandalin e dyfishtë”/ “Të shkarkohet menjëherë Ardi Veliu”

29 Maj 2020, 15:50, Politikë CNA

Nënkryetari i Partisë Demokratike, Edi Paloka, ka denoncuar atë që e quan skandal të dyfishtë, teksa ka reaguar për publikimin e videos së nënës së 15-vjeçarit të dhunuar nga policia, nga drejtori i drejtorisë së Policisë Shtetit Ardi Veliu.

Paloka thotë se Veliu duhet të shkarkohet menjëherë dhe të vihet para drejtësisë, pasi pretendon se nëna e të miturit është aktore dhe videoja ku ajo shfaqet me një armë në dorë është shkëpputur nga një film ku ajo ka luajtur një rol.

Skandal i dyfishtë! Ardi Veliu duhet shkarkuar menjëherë dhe duhet të dalë përpara drejtësisë!
Gjatë mbledhjes së Komisionit të Sigurisë, Drejtori i Përgjithshem i Policisë Ardi Veliu, duke dashur të justifikojë dhunën e policisë ndaj një 15-vjeçari, ka nxjerrë një video të nënës së djalit ku ajo duket me një pistoletë në dorë. ?Ja nga çfarë familje vjen djali?- ka thënë Veliu duke dashur të justifikojë më këtë ?argument? dhunën.

Rezulton se nëna e djalit 15-vjeçar është aktore dhe pamjet qeë ka paraqitur Ardi Veliu janë pjesë të një filmi artistik…! Justifikimi i dhunës do të ishte i dënueshëm edhe sikur pamjet të ishin reale, po ja që Drejtori i Përgjithshëm i Policisë jo vetëm justifikon dhunën e policisë ndaj një të mituri po për këtë edhe mashtron. Këto metoda të Sigurimit të Shtetit, Veliu nuk i ka për herë të parë, kujtoni dëshmitarin e rremë Fredi Alizoti…! Prandaj kemi këtë polici se drejtohet nga qenie si ky e si Lleshi i Ramës!?, shkruan demokrati në rrjetet sociale./ CNA.al





Lajmet e fundit nga