web counter
LEXO PA REKLAMA!

SHKARKO APP

App Store
Google Play

E fundit!

x

Bashkëqeverisje me Bashën?/ Balla: Marrëveshja e 2017-ës s’duhej bërë, nuk do përsëritet

29 Maj 2020, 19:46, Politikë CNA

Kreu i Grupit Parlamentar të Partisë Socialiste Taulant Balla, ka treguar nëse do të ketë një marrëveshje me Lulzim Bashën për të bashkëqeverisur.

Balla tha se opozitës i kanë bërë thirrje dhe do vazhdojnë ta ftojnë për bashkëbisedim, por pretendon se nuk do ketë një marrëveshje për bashkëqeverisje.

Numri 2 i socialistëve la të kuptohej se ishin penduar për marrëveshjen e 17 majit 2017, pasi theksoi se nuk duhej bërë dhe nuk do përsëritet.

?Kryeministri Edi Rama në mënyrë të vazhdueshme i ka bërë thirrje opozitës joparlamentare që drejtohet nga zoti Basha. Nevoja që këtë process të rëndësishëm rimëkëmbjeje ekonomike, nevoja për të qenë bashkë me të gjithë aktorët politikë, nevoja për të pasur një tryzezë të madhe në dobi të rimëkëmbjes ekonomike, nevoja për të folur të gjithë në gjuhë të përbashkët është e madhe. Dora e shtrirë ka qenë gjithmonë.

Marrëveshja e 2017-ës ka qenë një marrëveshje e përkohshme për të risjellë në sistem PD-në që nuk donte të hynte në zgjedhjet e 2017. Ajo nuk duhej dhe nuk ka për t?u ripërsëritur më. Nuk është më e nevojshme një marrëveshje të tillë. Besoj se zoti Basha e ka kuptuar se për të qeverisur këtë vend duhen fituar zgjedhjet?, deklaroi Balla në TVSH./ CNA.al





Lajmet e fundit nga