E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Aleanca për Mbrojtjen e Teatrit letër Sorecës/ Sillni monitorues në protestë

18 Maj 2020, 12:32, Politikë CNA

Aleanca për Mbrojtjen e Teatrit i është drejtuar sot me një letër ambasadorit të BE në Tiranë, Luigi Soreca, ku e informojnë se sot në orën 16:00 do të zhvillojnë një protestë kundër shembjes së Teatrit Kombëtar.

Në letrën drejtuar ambmasadorit, Aleanca thekson se prishja e Teatrit ka filluar, ku brenda godinës ndodheshin ende shumë njerëz, duke kërkuar ?hetim ndërkombëtar mbi këtë çështje të rëndësishme dhe të rëndë të cilën e konsiderojmë si krim kundër njerëzve dhe trashëgimisë kulturore?.

Gjithashtu, Alenaca për Mbrojtjen e Teatrit i kërkon ambasadorit Soreca që në protestën e sotme të ketë monitorues nga Delegacioni i BE në Tiranë.

?Shkëlqësia Juaj,
Në vijim të zhvillimeve të 17 majit 2020, dëshirojmë t?ju bëjmë të ditur se sot, në orën 4:30 në organizojmë një protestë në bulevard ? zona pranë pedonales.
Kemi njoftuar Policinë lidhur me protestën e sotme e cila është e fokusuar në nevojën për zbardhje të plotë të mënyrës se si Teatri Kombëtar u shemb, se si Policia sulmoi mbrojtësit e Teatrit dhe nëse shembja me fadroma nisi që gjatë kohës kur ende shumë njerëz ishin brenda në ndërtesë. Ne kemi shumë aktivistë që e dëshmuan këtë dje.
Kërkojmë hetim ndërkombëtar mbi këtë çështje të rëndësishme dhe të rëndë të cilën e konsiderojmë si krim kundër njerëzve dhe trashëgimisë kulturore. Ne kemi kërkuar nga Europa Nostra që të na mbështesë në këtë drejtim.
Sulmi ndodhi në një kohë kur dy dosje të lidhura me çështjen e Teatrit Kombëtar (ligji special dhe VKM) janë depozituar në Gjykatën Kushtetuese nga Presidenti i Republikës. Gjithë aktet normative të lidhura me si institucionet shtetërore vendosin dhe procedojnë në raste të tilla kur çështje ligjore janë të hapura në një gjykatë, janë shkelur. Rregullat e lidhura me pandeminë janë shkelur: policët nuk mbanin veshur doreza dhe maska dhe rrezikuan mbrojtësit e Teatrit duke i detyruar të qëndrojnë të grumbulluar te sheshi i Teatrit për të mbrojtur ndërtesën dhe duke i prekur ata.
I kemi kërkuar Presidentit të Republikës të monitorojë protestën e sotme dhe kërkojmë që përfaqësues të zyrës suaj të Delegacionit të BE-së të jenë të pranishëm në protestë për të monituar zhvillimin e saj.
Këtë kërkesë do ta publikojmë më vonë online.
Ju falenderojmë për vëmendjen
Aleanca per Mbrojtjen e Teatrit?