E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm Besfort Lamallari ka zbarkuar në Drej...

Ramën nuk e zë gjumi/ E nis ditën me Teatrin Kombëtar

18 Maj 2020, 07:09, Politikë CNA

Pas tensioneve dhe përplasjeve të shumta të një dite më parë, në lidhje me shembjen e Teatrit Kombëtar, duket se edhe kryeministrit i është prishur gjumi.

Rama e ka filluar ditën sot që në orën 06:30 të mëngjesit, duke publikuar në një postim në rrjetet sociale, projekt-idenë e Teatrit të Ri Kombëtar.

?Mirëmëgjes me projekt-idenë e Teatrit të Ri Kombëtar, konceptuar nga arkitekti i famshëm danez Bjarke Ingels.

Duke ju uruar një javë të mbarë, dua gjithashtu t?ju siguroj se Teatri i ri Kombëtar do të ketë nesër pëlqimin e të gjithëve, qoftë të të shumtëve që kërkojnë sot dhe qoftë të të paktëve që sot nuk shohin më larg se dje…
Përvoja na mësoi se ashtu si me vepra të tjera publike, të përbaltuara e masakruara pa nisur akoma puna, nga të njëjtët ngatërrestarë profesionistë, edhe për këtë projekt të vonuar me dhjetra e dhjetra vite, do të flasë vetë vepra e përfunduar, e cila do t’i japë komunitetit teatror skenën dinjitoze kombëtare që nuk e pati kurrë; publikut shqiptar Teatrin Kombëtar që nuk u ndërtua kurrë; Tiranës e Shqipërisë së gjeneratave të tjera, një tjetër destinacion kulturor të përmasave europiane në çdo aspekt?-shkruan Rama.