web counter
LEXO PA REKLAMA!

SHKARKO APP

App Store
Google Play

E fundit!

x

“Qeverisë i ra maska”/ Godole: Covid u përdor si alibi për shembjen e Teatrit

18 Maj 2020, 09:45, Politikë CNA

Pedagogia Jonila Godole ka reaguar pas shembjes së Teatrit Kombëtar.
Sipas saj, dërgimi i dhjetëra forcave policore pas shembjes së teatrit tregoi se qeverisë i ra edhe maska e ngritur në lidhje me rrezikun e pandemisë.
Mes tw tjerash, Godole thotë se COVID 19 u përdor si alibi pikërisht për të çuar deri në fund, atë që e quajti, planin antidemokratik dhe të jashtëligjshëm të shembjes së Teatrit Kombëtar.

?Përmes të tjerash ra edhe maska e qeverisë në lidhje me Covid-19! Dy muaj kufizime dhe izolim ekstrem në emër të “dashurisë” dhe “kujdesit” ndaj popullit para “armikut të padukshëm” Corona – u bënë zero duke dërguar mijëra forca policie të ndeshen me një grup aktivistësh në Teatrin Kombëtar dhe duke provokuar pastaj mbledhjen e qindra protestuesve në një hapësirë të ngushtë para Galerisë Kombëtare.

Ky shqetësim u nda edhe nga ambasadori gjerman Peter Zingraf në reagimin e tij për shembjen e Teatrit gjatë pandemisë ?duke qenë se grumbullimet e njerëzve të ndodhura deri tani dhe ato të pritshme mund të sjellin hapa pas?.
Me anë të këtij akti, qeveria tregoi se gjithë masat e marra dy muajt e fundit kanë qënë thjesht një alibi.
Ato nuk kanë pasur si synim mbrojtjen e shqiptarëve nga virusi, por shfrytëzimin e pandemisë për të çuar deri në fund planin antidemokratik dhe të jashtëligjshëm të shembjes së Teatrit Kombëtar, mundësisht natën, në mënyrë që ditën të kishin kohë për ta qarë!?, shkruan Godole nw njw postim nw rrjetet sociale.





Lajmet e fundit nga