web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive-Zbulohen dy lëvizjet e radhës të Ramës/ Ja çfarë do të ndodhë pas të hënës

4 Prill 2020, 09:26, Politikë CNA

Shqipëria ashtu si gjithë Europa dhe bota po përballet me një situatë të vështirë, për shkak të përhapjes së koronavirusit.

Në lidhje me këtë situatë, qeveria ka ndërmarrë masa ekstreme, duke kufizuar lëvizjen e qytetarëve. Ndërsa këtë fundjavë ashtu sikurse fundjavën e kaluar, prej orës 13:00 të ditës së sotme, deri në orën 05:00, të ditës së hënë gjithçka do të jetë e mbyllur, pas të hënës pritet të ketë zbutje të masave.

CNA.al ka mësuar nga burime zyrtare se pas të hënës, pritet që të lirohet qarkullimi i mjeteve për njerëzit që shkojnë në punë. Pra, mjeteve në funksion të punës dhe jo çdo mjet tjetër.

Mësohet se do të lejohet vetëm qarkullimi për punë.

Nga ana tjetër, burime zyrtare për CNA.al bëjnë të ditur se do të ketë një ndryshim edhe sa i përket orarit të dyqaneve dhe marketeve. Ato pritet të qëndrojnë të hapura deri në orën 17:00, dhe jo deri në 13:00, siç ishte gjatë këtyre ditëve.

Lëvizja e mjeteve për punë dhe zgjatja e orarit të aktiviteteve të shërbimit do sjellë edhe një zgjatje të orarit të levizjes deri në oren 17:00.

Këto janë tre pikat që Edi Rama ka në tavolinë dhe nga ana tjetër pritet të ketë dhe masa shtrënguese për ata që nuk i respektojnë këto rregulla apo personat që do abuzojnë me këto tolerime të qeverisë, për të cilët pritet që të ketë ndëshkime me gjoba të forta deri në burgosje.

Rama dje në ?Zonë e Lirë? tha se këto ditë do të ketë masa çliruese dhe i ka paralajmëruar edhe ditë më parë.

Tani pritet zyrtarizimi nga Komiteti Teknik i Ekspertëve, i cili bën propozimet dhe më pas kryeministri dhe qeveria do shpallin cilat do jenë hapat që do hidhen më tej në situatën e masave të marra në kuader të pandemisë së Covid-19.

Çdo masë tolerimi apo “çlirimi” varet nga shifrat e të prekurve dhe raportet e ekspertëve që mbulojnë këtë situatë emergjence./ CNA.al





Lajmet e fundit nga