E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Mos paguani qira”/ Ish-ministri i Ramës: Qeveria u tërhoq nga një vendim idiot

3 Prill 2020, 11:36, Politikë CNA

Ish ministri i Drejtësisë në qeverinë “Rama 1”, Ylli Manjani ka folur sot për situatën e krijuar nga përhapja e koronavirusit në vend.

Në një lidhje për Abc News, Manjani mes të tjerash u ndal tek vendimi i fundit i qeverisë lidhur me qiratë. Ish-ministri tha se shteti nuk ka të drejtë të ndërhyjë mes dy palëve ku ka vullnet, dhe theksoi se i vjen mirë që u tërhoq nga vendimi i parë.

Fillimisht kryeministri Rama tha se qiramarrësit nuk duhet tu kërkojnë qiratë qiradhënësve, ndërsa në një vendim të dytë u tha se se nuk do të falet por do të shlyhet në një kohë më vonë.

?Kjo nuk është surprizë do dëgjoni edhe të tjera. Me kontratat e qirasë ashtu sikurse edhe të kredive u bë e njëjta gjë. Ka një logjikë të thjeshtë, nuk ka nevojë të jesh jurist për të kuptuar një gjë elementare se aty ku ka vullnet mes palëve nuk hyn dot shteti. Në kohë të vështira, jo gjithmonë janë të munduara të zbatohen ato pika. Por kjo nuk do të thotë që ekziston detyrime dhe të të thotë qeveria mos paguani. Më vjen mirë që është tërhequr nga idiotësia që tha se jam i bindur se në qeveri ka ministra të zotë. Nuk janë kështu siç i keqshet kryeministri. Unë u bëj thirrje njerëzve që të gjejnë gjuhën e mirëkuptimit. Nuk funksionon me kërbaç.

Në një shoqëri pavarësisht rrethanave sundimi i ligjit nuk duhet të vihet kurrë në diskutim. Dhe do të thotë Kushtetuta e para dhe ligjet normative të dytat. Qeveria është jashtë misionit kushtetues. Në këtë situatë të emergjencës shërbejnë më shumë si alibi, janë ditët e lumtura për udhëheqin e lavdish të këtij shteti që do të bëjë cdo gjë duke shpikur.?-tha Manjani.

Ndër të tjera Manjani nënvizoi se nuk jemi në gjendje të jashtëzakonshme, por në gjendje emergjence të fatkeqësisë natyrore. Sipas tij situata të tilla janë parashikuar me ligj në Kushtetutë, ndërsa shton se qeveria nuk ka pse të shpikë akte normative.

“Nuk jemi në gjendje të jashtëzakonshme, por në gjendjen e emergjencës së një fatkeqësie natyrore. Gjendjet që vinë nga fatkeqësia apo virozat janë gjendje të një natyre civile. Janë situata që nuk shkojnë kurrë ne ekstremitete. Ka nevojë për masat, por para se të shkojmë aty duhet të kuptojmë që ka ligje në fuqi. Të gjitha këto ligje janë injoruar për ti dhënë hapësirë aktit normativ. Nuk funksionon kështu që jam unë këtu dhe s?ka ligj.”-tha Manjani.