web counter
LEXO PA REKLAMA!

SHKARKO APP

App Store
Google Play

E fundit!

x

Shqiptarët e bllokuar në kufi/ Meta kërkon me urgjencë zgjidhje nga autoritetet

2 Prill 2020, 18:32, Politikë CNA

Presidenti Ilir Meta ka reaguar pas situatës së dhjetëra qytetarëve shqiptarë të bllokuar në pikat e kalimit kufitar me Greqinë dhe Malin e Zi.

Kreu i Shtetit kërkon me urgjencë qutoritetet të informojnë pa vonesë qytetarët mbi procedurat e reja në mënyrë që të mos krijohen grumbullime të pamenaxhueshme.

?Jam duke ndjekur me vëmendje dhe me shumë shqetësim situatën e qytetarëve shqiptarë të cilët ndodhen të bllokuar në pikat e kalimit kufitar me Greqinë dhe Malin e Zi. Situata e pritjes së tyre në kufirin shqiptar dhe pengesa që po hasin kërkon një zgjidhje të shpejtë.
Autoritetet shqiptare përgjegjëse të informojnë pa vonesë qytetarët tanë mbi gjendjen dhe procedurat e reja që duhen respektuar në pikat tona kufitare, të imponuara nga pandemia COVID-19, në mënyrë që të mos krijohen grumbullime të pamenaxhueshme.
Në të mirë të të gjithëve, shtetasit tanë duhet të jenë në komunikim të vazhdueshëm me ambasadat dhe konsullatat tona, si dhe të evitojnë maksimalisht lëvizjet jashtë kushteve të urgjencës dhe domosdoshmërisë.
U bëj thirrje të gjithëve që, duke forcuar bashkëpunimin midis qytetarëve dhe autoriteteve përgjegjëse në këtë situatë të vështirë, të tregojmë mirëkuptim e bashkëpunim, por veçanërisht solidaritet dhe përgjegjshmëri të lartë për të kapërcyer me sa më pak kosto këtë sfidë të jashtëzakonshme. ?, shkruan Kreu i Shtetit./ CNA.al

 





Lajmet e fundit nga