web counter
LEXO PA REKLAMA!

SHKARKO APP

App Store
Google Play

“Duhen urgjent testime masive”/ Basha: Nuk dimë përmasat reale, mjekët thonë kjo është maja e ajsbergut

3 Prill 2020, 11:55, Politikë CNA

Kryetari i Partisë Demokratike, Lulzim Basha i ka drejtuar mesazhe të forta qeverisë sot, ndërsa theksoi se ?Thelbi i propozimit tonë është që buxheti i shtetit urgjentisht të ndërpriste çdolloj aktiviteti tjetër, çdo lloj shpenzimi tjetër dhe të gjitha fondet të shkonin në tre drejtime jetike.?

Në një intervistë për Rtv Ora, kryedemokrati Basha, tha se prioritet absolut duhet të jetë jeta e qytetarëve, ndërsa shtoi se mungesa e testimit masiv ndëshkon, penalizon të gjithë sakrificën e shqiptarëve

?E para jeta e qytetarëve, pa diskutim. Dhe për këtë shëndetësia është prioriteti i parë që duhet financuar. Dhe këtu akoma jemi me mungesa të mëdha.

Maqedonia ka bërë mbi 4 mijë teste. Ne jemi akoma në një numër më pak se gjysma e testeve të Maqedonisë.

Testimi, testimi, testimi nuk është vënë kot theksi tek kjo sepse gjithë sakrifica për të qëndruar në shtëpi, për të qëndruar të izoluar mund të na shkojë kot në qoftë se ne nuk arrijmë të evidentojmë të gjithë ata që janë prekur apo janë infektuar, apo janë mbartës të virusit dhe nuk ka rrugë tjetër për ta bërë këtë, përveçse testimit masiv.

Mungesa e testimit masiv ndëshkon, penalizon të gjithë sakrificën e shqiptarëve.?-tha Basha.

Po ashtu, ai tha se ?Ndaj kërkesa numër një që kam sot është urgjentisht të merren masa për të shtrirë testimin masivisht, të bëhen mobilizimi i të gjitha resurseve që në radhë të parë të gjithë ata që janë më të rrezikuarit, i gjithë personeli shëndetësor, nga mjekët, kirurgët, infermierët, sanitarët, shoferët e autoambulancave dhe çdo kush tjetër.?/ CNA.al





Lajmet e fundit nga