E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Tenderi për paisjet respiratore/ Skandal apo zhurmë konkurentësh?!

3 Prill 2020, 13:12, Politikë CNA

Ministria e Shëndetësisë në kuadër të masave për përballimin e Covid-19 dy javë më parë shpalli një tender për vendosjen e respitatorëve, të cilët vlerësohen si paisjet kryesore në këtë kohë pandemie.

CNA.al pas zhurmës të krijuar dhe akuzave për disa ditë invetigoi proçedurën dhe çfarë kishte ndodhur realisht.

Objekti i tenderit ishte sipas dokumentave zyrtare ?Furnizim vendosje respiratorë me dy modalitete për adultë dhe moshë pediatrike për covid-19?.

Në datën 17 mars Autoriteti kontraktor Ministria e Shëndetësisë dhe e Mbrojtjes Sociale ka çuar ftesat për ofertë.

Kuptohet që koha e lënë ka qenë mjaft e shkurtër kjo dhe për shkak të emergjencës. Koha e zhvillimit dhe levrimit duhet të ishte e shpejtë. Të nesërmën në 18 mars, pra brenda një dite u dorëzuan tek autoriteti 13 oferta, nga kompani të ndryshme.

Sipas të dhënave vlerësimi është bërë në bazë të sistemit të pikëve, ku kriteret që kishin më shume pikë ishin Oferta ekonomikisht me e Favorshme dhe afati i lëvrimit.

Institucioni bën renditjen por dy prej kompanive të renditura në krye tërhiqen nga gara. Pikërisht në datën 19 tërhiqet kompania e parë në renditje dhe më pas riklasifikohet rradha e kompanive dhe fitues shpallet një kompani e cila ofron 500 milionë lekë më pak dhe kohë më të shkurtër. Subjekti është TBS 96, një kompanie e njohur gjërësisht në fushën elektronike dhe prej më shumë se dy vjetësh partnerme një kompani gjermane që operon në fushën e paisjeve mjekësore.

Pra fituesi, duket qartë që ka ardhur në atë renditje për shkak të një klasifikimi me pikëzim, me dy prioritete çmim dhe afat. Pas tërheqjes të dy kompanive të cilat nuk mund të siguronin dot lëvrimin e paisjeve në kohën më të shpejtë të kërkuar, është shpallur fitues kompania e tretë.

Por mesa duket shumë subjekte, pra biznese në pakënaqësi që nuk kanë mundur të rrëmbjenë çfarë duan kanë filluar tashmë të ngrenë një zhurmë. Dokumentat tregojnë qartë vlerën dhe kohën e levrimit.

Dje vetë ministrja e Shëndetësisë, Manastirlliu njoftoi se kompania kishte sjellë 5 paisjet e para në një kohë rekord dhe ato ishin montuar në spitalin Shefqet Ndroqi, i quajtur edhe spitali Covid-2. Levrimi dhe montimi i tyre bëhej në kushtet e një pandemie dhe krize globale, kur furnizimi dhe transporti e ketyre pajisjeve është bërë pothuajse i pamundur.

Kush është fituesi? Kinez apo gjerman?

Për të mbyllur përfundimisht çdo tymnajë të ngritur në mënyrë abuzive mesa duket nga konkurentë në këtë procedurë bëmë një tjetër investigim, sipas ofertave të paraqitura dhe me partnerët dhe prodhuesit që do të sillnin paisjet në Shqipëri, pasi ato nuk prodhohen në vendin tonë.

Kompania që prodhon respiratorët e vendosur në Shefqet Ndroqi është kompani gjermnae e çertifikuar për prodhimin e paisjeve mjekësore. Sipas dokumentave ajo është AXENT MEDICAL GbmH kompani gjermane të cilën e verifikuam në faqen e saj zyrtare të internetit ku çdokush mund të shohë dhe gjejë informacion mbi produktet e saj dhe çfarë përfaqëson kjo kompani. Faqja është

https://www.axcentmedical.com

CNA.al shkoi më tej dhe pas një verifikimi rezulton se çmimi për keto pajisje është 4 fishuar nga koha e zhvillimit të tenderit në Shqipëri, dhe afatet e lëvrimit i kanë kaluar 2-3 muaj.

Këto fakte të verifikuara nga CNA.al rrëzojnë poshtë çdo zhurmë ngritur në këtë kohë pandemie, dhe kur diçka është e pastër kërkohet të ndotet me çdo kusht. Faktet janë të qarta, gjithkush mund ti verifikojë ato për të lexuar të vërtetën e këtij tenderi që bëhet për të shpëtuar jetë dhe jo për të fituar para disa abuzues tenderash./ CNA.al

Manastirliu zbulon marrëveshjen/ ?Brenda muajit vijnë edhe 50 respiratorë të tjerë?