web counter
LEXO PA REKLAMA!

SHKARKO APP

App Store
Google Play

E fundit!

x

“Rrezikohet mbyllja e disa mediave”/ Basha thirrje të fortë qeverisë

30 Mars 2020, 16:52, Politikë CNA

Kryetari i opozitës Lulzim Basha i ka kthyer sytë nga media, e cila është ndikuar drejtpërdrejt nga situata e jashtëzakonshme që po kalojmë për shkak të koronavirit.

Basha ngriti alarmin se shumë media rrezikojnë të mbyllen, ndaj kërkoi që qeveria t?i mbështesë ato dhe në veçanti gazetarët dhe operatorët.

Lideri i demokratëve thotë shumica e medias është detyruar të punojë tani me gjysmë kapaciteti, pasi thekson se ka informacione se pjesa e madhe e tyre kanë shkurtuar përgjysmë personelin dhe pagat.

?Bomba ekonomike e kësaj krize nuk mund dhe nuk duhet të injorohet dhe në këtë drejtim duhet te veprohet me urgjencë. Nuk ka vend për hezitim as për biznesin e vogël, as për fermerët, as për punëmarrësit e mëdhenj, as për median. Sepse kam marrë informacion 48 orët e fundit që shumica e medias është detyruar të punojë tani me gjysmë kapaciteti, gjysma e punonjësve të medias janë dërguar në shtëpi pa paga dhe në raste të tjera ata që mbahen aty mbahen me gjysëm page, në kohë lufte siç është kjo, në kohë krize siç është kjo. Ua them me siguri që informacionet që marrim janë që një një pjesë e madhe e mediave kanë shkurtuar përgjysmë personelin apo edhe më shumë dhe kanë shkurtuar pagat.

Problemi që vjen me këtë është nëse fillojnë dhe mbyllen dritaret informative këtë pasoja do ta vuajnë qytetarët, mungesa e transparencës, mungesa e informacionit apo informacioni i njëanshëm është shume i dëmshëm në kohë krize. Kjo është ajo që dua të ngre. Nuk ka media që i ka shpëtuar kësaj. Thirrja ime është që media të mos jetë jashtë vëmendjes dhe të ketë një mbështetje edhe për to, në veçanti për punonjësit e medias, për gazetarët, për operatorët?, deklaroi kryedemokrati në një lidhje me Vizion Plus./ CNA.al





Lajmet e fundit nga