web counter
LEXO PA REKLAMA!

SHKARKO APP

App Store
Google Play

Ndahet nga jeta ish-deputeti grek/ Meta mesazh ngushëllimi: Ndërroi shumë parti, por kurrë kauzat e lirisë

30 Mars 2020, 15:00, Politikë CNA

Ditën e sotme ka ndërruar jetë ish-deputeti grek Manolis Glezos si pasojë e një ataku kardiak. Për humbjen e tij ka shprehur ngushëllimet presidenti Ilir Meta, që e cilëosn Glezosin si një hero të Rezistencës Antifashiste të Greqisë.

Meta thotë se Manolis Glezos në moshën 18-vjeçare guxoi të hiqte nga Akropolis flamurin nazist me svastika duke paralajmëruar rezistencën heroike të popullit grek.

Kreu i Shtetit thekson se e gjithë jeta e tij ishte përkushtim dhe sakrificë për popullin e tij kundër pushtuesve dhe kundër diktaturave.

?Pavarësisht vuajtjeve në burgjet e fashizmit dhe të juntës, Manolis Glezos kurrë nuk e humbi besimin te liria, demokracia dhe populli i Tij. Ai nuk ju nda deri në fund të jetës të gjitha betejave për demokraci dhe drejtësi shoqërore duke qëndruar përherë në anën e duhur të historisë. Manolis Glezos ndërroi shumë parti, por kurrë kauzat e lirisë, demokracisë dhe drejtësisë sociale.

Populli grek humbi sot një ikonë të shpirtit të Tij liridashës, ndërsa ne shqiptarët humbëm sot një mik shumë të çmuar të popullit tonë dhe një përkrahës të palëkundur të fqinjësisë së mirë midis dy vendeve dhe dy popujve tanë. Ne do ta kujtojmë dhe duartrokasim gjithmonë veprën e Manolis Glezos njësoj si eurodeputetët fjalën e tij të fundit për Europën 6 vjet me parë. Kurrë nuk duhet ta harrojmë porosinë e tij: Mos i hidhni verës uj! Fashizmi nuk ka vdekur! I përjetshëm kujtimi i tij!?, shkruan Meta në rrjetet sociale./ CNA.al





Lajmet e fundit nga