E fundit!

11:41 Aktualitet

Përplasjet me opozitën/ Balla: Partinë e Sali Berishës nuk e pranoj si përfaqësuese të protestës

Kreu i grupit të PS, Taulant Balla pas mbledhjes së Konfer...

Goxhaj ngre alarmin/ Paralajmëron rrëzimin e Ramës, Bashës e Metës: Kanë frikë se do i djegin të gjallë

29 Mars 2020, 15:23, Politikë CNA

Avokati Altin Goxhaj ka ngritur alarmin se shqiptarët do të mbeten pa bukë dhe se kryeministri Edi Rama po tmerron publikun me deklaratat dhe me masat që ka marrë.

Sipas tij, Rama po e përdor koronavirusin si një thikë që po ia ngul në shpinë Shqipërisë, ndërsa pretendon se kreu i qeverisë po tenton të na vrasë.

?E vetmja ekonomi që mund të përdoret është bujqësia, Edi Rama ka vendosur që të na vrasë, e them me plot gojën, jo fizikisht por si popull dhe si komb. Ka marrë pushtet absolut për dy arsye, faktori ndërkombëtar i gjithi është në hallin e tyre, që duhet t?i paguajmë ne problemet. Unë nuk besoj se do të vijë një qindarkë ç?ka ardhur ka ardhur dhe nuk do të vijë asgjë, s?ka për të marrë fonde nga ato që janë alokuar për tërmetin. Nuk kanë lekë, ky nuk ka lekë për t?ju dhënë keq më vjen për shqiptarët. Meta dhe Basha jo vetëm kanë heshtur por kanë përkrahur masat anti-kushtetuese të Edi Ramës, nuk folën në asnjë rast për të drejtat e shkelura të njeriut me këto masa, në video-konferencën, por për vendosjen e diktaturës. Veprimi që kreu pardje me vendosjen e shtet-rrethimit total, në cilin vend të europës po zbatohet kjo masë??, tha ai në studion e Fax News.

Sipas tij, kryetari i opozitës Lulzim Basha dhe presidenti Ilir Meta janë bërë bashkë me Ramën dhe kanë frikë se njerëzit do i djegin të gjallë dhe do i marrin zvarrë.

Avokati kërkoi që qytetarët të bëhen bashkë dhe të rrëzojnë kryeministrin, Metën dhe Bashën.

?Duke qenë opozita ka vdekur ose më saktë është bashkëpunëtore e këtij plani të ndyrë për të vrarë Shqipërinë, duke qenë se Ilir Meta Presidenti i Republikës nuk ka thënë asnjë gjysmë fjale për të drejtat e njeriut por ka mbajtur vetëm ison e Edi Ramës, ata kanë frikë tani se ky popull do ngelë pa bukë, do prishet zinxhiri ushqimor e do dalin në rrugë e do marrin çfarë të gjejnë përpara, prandaj janë bërë bashkë dhe kanë nxjerrë tanksin në rrugë. Koncepti është se këta kanë frikë se do i djegin të gjallë, se do i marrin zvarrë, se do vijë një ditë që shqiptarët nuk do kenë as bukë për kalamajtë, nuk po flas për makarona, po flas për bukë, do ta kenë shtëpinë bosh, nuk do ketë asnjë të ardhur, do falimentojnë bizneset, nuk do kenë ku të punojnë, do përfundojnë njerëzit në pikë të hallit se ky po vret mundësinë që të shpëtojë ekonomia, po e vret dhjetëfish nga koronavirusi. Ne duhet të bëjmë vetëm një gjë, t?i shpjegojmë njerëzve çfarë është skllavi dhe çfarë është njeriu i lirë. A mund të jetohet si qen, a mund të jetohet si skllav? Jo ne duhet të bëhemi gati për ta rrëzuar këtë njeri, por bashkë me Lulzim Bashën e bashkë me Ilir Metën dhe të gjithë tjerët?, nënvizoi Goxhaj./ CNA.al