web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet provimi i kualifikimit të mësuesve/ Shahini tregon çfarë do ndodhë me praktikantët

28 Mars 2020, 15:14, Politikë CNA

Ministrja e Arsimit Besa Shahini ka publikuar një tjetër videomesazh në rrjetet socviale, ku shpjegon procesin e portalit ?Mësues për Shqipërinë?, kualifikimin e mësuesve dhe praktikën në shkolla.

Shahini ka falenderuar mësuesit dhe ka treguar se aktualisht nuk mund të bëhet testimi për kualifikimin e mësuesve, ndërsa theksoi se do të realizohet pasi të përfundojë beteja me koronavirusin.

?Duke marrë parasysh që këto dy procese kërkojnë testim të mësuesve, pra duhet që një numër mësuesish të qëndrojnë në një dhomë ku realizohet testimi, kjo nuk është e mundur të zbatohet tani që jemi në një gjendje të karantinimit e distancimit social. Por, në momentin e parë që do të normalizohet situata, ne do të ndajmë datat se kur do të zhvillohen testimet si për portalin ?Mësues për Shqipërinë?, ashtu edhe për kualifikimin e mësuesve duke ju njoftuar në vijim?, u shpreh ajo.

Ministrja qetësoi praktikantët, duke i thënë se nuk do duhet të përsërisin vitin e praktikës për shkak se janë mbyllur shkollat.

?Nuk keni nevojë ta përsërisni praktikën e punës. Ju keni bërë mjaftueshëm orë pune në shkollë, të cilat do të konsiderohen drejt praktikës suaj. Një pjesë e madhe e juaja jeni të angazhuar në mësim online me mësuesit tuaj mentorë. Edhe kjo do të konsiderohet si punë praktike, si dhe punën që do ta mbyllni kur të kthehemi nëpër shkolla. Dhe kjo do ta plotësojë për aq sa është e mundur numrin maksimal të orëve që kërkohet nga ju për të konsideruar se e keni mbyllur praktikën nëpër shkolla. Kështu që, pa shqetësime, e kemi marrë parasysh situatën në të cilën gjendemi të gjithë dhe do të jemi maksimalisht fleksibël me juve?, nënvizon Shahini./ CNA.al





Lajmet e fundit nga