web counter
LEXO PA REKLAMA!

SHKARKO APP

App Store
Google Play

E fundit!

x

“Një mjek më pak është sot në shërbim”/ Qeveria po rrezikon jetën e qytetarëve dhe përhapjen e koronavirusit

28 Mars 2020, 10:26, Politikë CNA

Zëdhënësja e Partisë Demokratike, Ina Zhupa ka bërë sot një denoncim në lidhje me një rast në Kombinat, ku një mjeke e Qendrës Shëndetësosre është infektuar me koronavirus.

Në një postim në rrjetet sociale, Zhupa shkruan se kjo është vetëm njëra anë e medaljes për tradhtisë ndaj personelit shëndetësor, që sipas saj nuk është pajisur me mjetet e duhura.

Po ashtu, Zhupa thekson se qeveria po rrezikon jetën e qytetarëve dhe përhapjen e virusit, pasi sipas saj nuk është dezinfektuar qendra dhe as nuk janë testuar kolegët e mjekes në fjalë apo pacientët me të cilët ka pasur kontakt.

?Një mjek më pak është sot në shërbim të qytetarëve.

Si të gjithë mjekët e familjes, një nga doktoreshat e Qendrës Shëndetësore 6 në Kombinat, ishte lënë në vijën e parë të luftës vetëm me maskën e skaduar të qeverisë. Kjo është vetëm njëra anë e medaljes për tradhtisë ndaj personelit shëndetësor.

Ana tjetër është se Ministria e Shëndetësisë apo autoritetet e tjera, që varen prej saj nuk kanë bërë testin e asnjë kolegu të mjekes me COVID 19, me të cilët ajo ka patur kontakt të përditshëm. Për të gjurmuar persona që ka vizituar mjekja as që bëhet fjalë.

Politika e testeve me pikatore që po ndjek qeveria për rastet e dyshuara është faktuar nga denoncimet e shumë qytetarëve se ka sjellë rëndimin e gjendjes shëndetësore të tyre. Kjo politikë rezikon jetën e qytetarëve dhe përhapjen e virusit.

Përsonelit shëndetësor në Qendrën Shëndetësore nr. 6 në Kombinat duhet t?i bëhet testi pa vonesë! Vetë Qendra duhet dezinfektuar në mënyrë që të mos bëhet burim infeksioni për stafin dhe qytetarët. Personeli shëndetësor dhe ai ndihmës duhet të pajisen me maska, me doreza, me dezifektues për punën e tyre të përditshme!?-shkruan Ina Zhupa./ CNA.al





Lajmet e fundit nga