web counter
LEXO PA REKLAMA!

SHKARKO APP

App Store
Google Play

“Rritja e shifrave është e pritshme”/ Manastirliu: Kemi kontakte periodike me të infektuarit

26 Mars 2020, 21:07, Politikë CNA

Ministrja e Shëndetësisë Ogerta Manastirliu deklaroi se kurba e të prekurve me koronavirus në vendin tonë ka filluar të rritet dhe e cilësoi si normale këtë situatë.

?Ka filluar të ketë një rritje. Jemi afërsisht në javën e tretë dhe është normale dhe e pritshme kjo rritje se ka përfunduar faza e inkubacionit dhe përballja me simptomat është më e lartë?, tha ajo në emisionin ?Opinion?, ndërsa theksoi se ende ende nuk dihet kur do të jetë piku.

?Kur do të jetë piku i Shqipërisë akoma nuk mund ta themi sot, pasi akoma nuk ka shifra të plota mbi një model që mund të jetë modeli i grafikut në Shqipëri. Ajo që mund të themi është që me masat që janë ndërmarrë synohet që ne të kemi një kodër dhe jo një mal, si në rastin e Italisë duke ulur efeketet e një rritjeje eksponenciale?, u shpreh ajo më tej.

Manastirliu nënvizoi se të gjithë ata që kanë simptoma të lehta do duhet që ta përballin virusin në kushte shtëpie dhe mund të përballen simptomat e lehta që këshillohen nga mjekët.

?Në rastet kur ka simptoma të rënda vjen ambulanca që e drejton në spitalin infektiv. Lufta me këtë virus duhet ta kuptojë secili, që është përgjegjësi personale. Të gjithë personat pozitivë janë të skeduar në strukturat e kujdesit shëndetësor?, tha më tej ajo, ndërsa deklaroi se me të infektuarit e izoluar ka kontakt të përditshëm.

?I dimë ku gjenden dhe kemi kontakte periodike me ta, mos them të përditshme, por them se edhe më shumë dhe i këshillojmë të qëndrojnë në shtëpi jo vetëm ata por edhe familjarët e tjerë?, tregoi ministrja./ CNA.al





Lajmet e fundit nga