web counter
LEXO PA REKLAMA!

SHKARKO APP

App Store
Google Play

E fundit!

x

Ktheu “Ligjin për Pronat”/ Reagon Balla: Keqardhje për Presidentin, nuk ka lexuar opinionet e KE dhe Venecias

26 Mars 2020, 17:02, Politikë CNA

Kreu i Grupit Parlamentar të Partisë Socialiste, në një lidhje me ?Neës 24? ka komentuar vendimin e presidentit Meta për të kthyer në Kuvend ligjin për pronat.

Balla tha se ndjen keqardhje për Presidentin, pasi sipas tij nuk ka lexuar komentet pozitive të Komisionit të Venecias dhe KE-së, në lidhje me këtë ligj.

“Pikë së pari do doja të sqaroja se ky ligj, për të cilin ndihem i habitur që u kthye në Kuvend, se ky ligj është adresuar dhe konsultuar me partnerët. Është pritur për shumë kohë që të votohet, derisa Komicioni i Venecias dhe ai Europian ka dhënë dakortësinë. Më vjen keq që presidenti nuk i ka lexuar këto opinione të Komisionit të Venecias dhe Komisionit Europian.

Janë mbi 200 mijë familje që mezi presin që po e punojnë mbi 30 vite ta kenë me tapi.

Megjithatë ne do ta shqyrtojmë mirë kthimin e ligjit nga presidenti. Ky është një ligj që rregullon, është faza e fundit e procesit të legalizimeve. Është një ligj, një garanci për investitorët e huaj. Sot është një ditë e çuar dëm. Investiotorët e huaj mezi presin që ky ligj të miratohet.

Komisioni Europian e ka vlerësuar maksimalisht këtë ligj”, tha Balla.

 





Lajmet e fundit nga