E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Maliqi tallet keq me Ramën/ “Pacienti zero hyri në Shqipëri më 1998-ën”

29 Mars 2020, 18:03, Politikë CNA

Deputeti i opozitës parlamentare, Lefter Maliqi, ka ironizuar keq kryeministrin Rama, me anë të një postimi në rrjetet sociale, teksa shkruan se pacienti zero i prekur me koronavirus ka hyrë në Shqipëri që në vitin 1998 dhe erdhi nga Parisi.

Maliqi shkruan se ky pacient Infektoi qeverinë, administradën, Partinë Socialiste, partitë e tjera, bisnesin, shoqërinë civile, ambasadorë e misione diplomatike, të rinj e pleq, burra e gra, me ose të pa punë e këdo që jetoi në këtë vend prej vitit 1998?.

“Po, është shumë i vërtetë ky fakt që diskush ma solli ndërmend mend! (Për të mos nxitur konspiracion nuk po ja them emrin ?)

Pacienti zero ka ardhur në Shqipëri që në vitin 1998. Erdhi nga Parisi dhe e pranoi në trupin e saj, më së pari qeveria e Fatos Nanos. Pacienti zero u fut në qeveri si Ministër i Kulturës.

Infektoi qeverinë, administradën, Partinë Socialiste, partitë e tjera, bisnesin, shoqërinë civile, ambasadorë e misione diplomatike, të rinj e pleq, burra e gra, me ose të pa punë e këdo që jetoi në këtë vend prej vitit 1998.

Si të gjitha viruset, edhe ky i ardhur nga Parisi ka receptorë mashtrues për sistemin imunitar dhe që e bën qelizën njerëzore ta pranojë, pa e ditur se infektohet dhe degjeneron.

Të gjithë u infektuam nga ky virus, me apo pa dashje. Disa e luftuan shpejt dhe u çliruan, disa të tjetë më ngadalë. Por ka ende shumë të infektuar prej virusit që sot shfaqet si mutacion, dmth si babai i të gjithëve ne. (MUTACION jo domosdoshmërisht vjen nga fjala MUT ?).

Vini re se ka ende shumë që nuk shkojnë të shohin baballarët e tyre të izuluar nëpër shtëpi, por i bëjnë like atij, pacientit zero që infekton vazhdimisht trutë e njerëzve.??

Nuk luftohet kollaj ky virus, nëse të infektuarit prej pacientit zero janë shumë dhe, më keq akoma nuk pranojnë të shërohen!!

Ka disa të infektuar madje që thonë, po pse ta luftojmë këtë virus që na ngjiti Bosi? Nuk ka më të mirë se ai!!! Këta nuk rrinë dot pa u infektuar. Duan se sbën në virus të një Bosi?

Virusi i nështrimit, është dhe mbetet më i rrezikshmi dhe njëkohësisht më i vështiri për tu luftuar.

Është virus mashtrues që mbijeton në shumë situata. Është virus që e ndalon sistemin imunitar të shoqërisë dhe e vë atë nën sundimin e tij.

Të keqen e COVID. Ta hash për qef është, krahasuar me virusin e sunduesit. Në fakt mjeksia e përdor këtë metodë, pra të diversionit të sistemit imunitar në betejë ndaj virusve me njëri tjetrin?

Pa dyshim, pacienti zero i ardhur në Shqipëri i mbijetoi të gjitha reagimeve imunitare. Asnjë rregull, ligj, protokoll, moral e Kusjtetutë nuk e ndaloi dot. As kundërshtarët.

Të gjithë u infektuam prej tij dhe, me apo pa dashje i dhamë një dorë të mirë drejt përhapjes. Ka nga ata të infektuar me peshë, që edhe pasi shërohen, prap i japin dorën virusit?.

Prandaj dhe sundon. Nuk e di sa gjatë, por shoqëria duhet pranojë që është e sëmurë dhe të shërohet prej tij. Ky është i vetmi kusht!

Shërimi nuk vjen duke izoluar populli veten, por duke izoluar pacientin zero.

Këtë mësim, në mos e paçim mësuar edhe në këtë pandemi, nuk kemi për ta mësuar më kurrë!”