web counter
LEXO PA REKLAMA!

SHKARKO APP

App Store
Google Play

E fundit!

x

Denoncon PD/ “Qeveria hap tender 411 milionë lekë për të rikonstruktuar zyrat”

29 Mars 2020, 15:48, Politikë CNA

Ish-deputeti i Partisë Demokratike Enkelejd Alibeaj ka ngritur akuza ndaj kryeministrit Edi Rama për mënyrën se si po e menaxhon situatën e krijuar nga koronavirusi.

Në një deklaratë për shtyp, Alibeaj tha se Rama ka hapur tender për rregullimin e zyrave të administratës së Spitalit të Traumës në vend që t?i shpenzonte këto para për të forcuar sistemin shëndetësor e për të garantuar testimin e mjekëve dhe të qytetarëve. Sipas tij, qeveria do të shpenzojë mbi 400 milionë lekë për rregullimin e zyrave.

?Në kulmin e krizës ekonomike, ku mijëra qytetarë janë sot në pamundësi për të siguruar ushqimin e femijëve, Edi Rama planifikon të japë 400 milion lekë për zyra. Në kulmin e krizës, ku mijëra biznese janë gati të shpallin falimentin e të lënë mijëra qytetarë pa punë, Edi Rama kërkon të japë 400 milion lekë vetëm për zyra. Tenderi 411 milionë lekë për të rikonstruktuar zyrat e administratës së Spitalit të Traumës është unik sot në Europë.

Spitalet tani nuk kanë nevojë për kulltuqe të rehatshëm. Mjekët duan së pari të mbrohen vetë dhe të kenë mundësi të gjurmojnë virusin, që sëmundja të mos kapet në momentet e fundit dhe numri i atyre që humbin jetën të mos rritet. Pas hedhjes të 29 milionë eurove për beton, tenderi i rregullimit të zyrave të spitalit të Traumës është një nga provat e shumta të papërgjegjshmërisë të Edi Ramës. Prioriteti numër një i buxhetit të shtetit duhet të jetë shëndetësia, pajisja e mjekëve me mjete mbrojtëse?, tha ai.

Demokrati kërkoi që qeveria të anullojë menjëherë tenderin prej 411 milionë lekë për rikonstruksion zyrash si dhe të ndërpresë tenderat dhe transfertat e thesarit që nuk adresojnë pasojat e koronavirusit.

?Buxheti ka para, por ato po përdoren për kolltuqe zyrash, për betonin e klinetëve të qeverisë dhe për koncesionet e miqve okigarkë të të Edi Ramës, jo për qytetarët dhe biznesin, që sot janë në ditën më të zezë?, nënvizoi më tej Alibeaj./ CNA.al





Lajmet e fundit nga