E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Skandali/ Qeveria, miliona euro tendera në kohë "lufte"

30 Mars 2020, 13:31, Politikë CNA

Qeveria shqiptare kërkon masa të forta nga qytetarët në kuadër të pandemisë globale të Covid-19.

Koronavirusi tashmë ka izoluar thuajse gjithë botën dhe ka futur në një krizë ekonomike të fortë jo vetëm Europën, por edhe Shtetet e Bashkuara të Amerikës dhe Azinë, e cila ndryshe nga pjesa tjetër po e kapërcen këtë krizë dhe po tenton të ripërtërihet.

E ndërkohë që vendet marrin masa dhe nxjerrin paketa ekonomike, Shqipëria bën tendera.

CNA.al sjell sot një publikim të Agjencisë së Prokurimit Publik. Një foto e publikimeve zyrtare për muajin mars.

Të paktën zyrtarisht në vendin tonë gjithçka ka filluar të zbatohet nga data 10 mars kundër përhapjes së koronavirusit. Menjëherë janë hedhur hapat e para dhe derisa ka shkuar më tej deri në bllokimin e plotë nga data 12 mars e në vazhdim.

Ndërkohë një Komitet i Posaçëm është ngritur që në muajin shkurt për marrjen e masave dhe për të analizuar situatën dhe hapat që do të hedhë shteti.

Por, çfarë ka ndodhur?

Edhe pse është ngritur një komitet . Edhe pse është folur shumë se kjo situatë pandemie do të godasë fort ekonominë, qeveria shqiptare vazhdon të bëjë tendera.

Tendera për gjithçka dhe për çdo gjë. Mjafton të shikosh dhe pagesat që bëhen në Thesarin e Shtetit.

Sot po sjellim buletinin e publikimeve që bëhen në Agjencinë e Prokurimit Publik.

Janë zhvilluar me qindra e qindra tendera, që nga bitumi, vajrat, grasot, hekurat, dërrasat e budallalliqet e gjithëllojshme, të cilat askush nuk e mendon dhe nuk e beson dot se janë të vlefshme, në një situatë emergjence.

Kryeministri na flet për luftë dhe nga ana tjetër ble bitum të mbushë gropat.

Nga të dhënat zyrtare të Agjencisë së Prokurimit Publik, janë të paktën pesë buletine të posaçme të publikuara në datën 10 mars, 12 mars, 17 mars, 19 mars dhe 27 mars, tre ditë më parë.

Ndërkohë janë publikuar edhe tre buletine të tjera në datën 17 mars, në datën 24 mars dhe në datën 30 mars. Këto janë tre buletine të radhës dhe dy të tjerë janë të bërë në datën 9 dhe në datën 2 mars.

Por, ne po flasim për pesë buletine të posaçme dhe tre buletine të zakonshme të publikuara nga APP-ja. Miliarda lekë tendera që bëhen çdo ditë nga Bashkitë, nga institucionet publike, nga blerje dhe prokurime nga më qesharaket. E Ndërkohë që njerëzit kërkojnë ndihmë nga qeveria, kërkojnë ndihmë nga shtetit e kur kryeministri bën apel e thërret se jemi në luftë, ?ushtarët? e tij poshtë bëjnë kërdinë.

Kjo është si të vrasësh veten në kohë lufte. Është si gjenerali të marrë armën dhe të bjerë e të vrasë ushtarët e tij. Këtë po bën qeveria shqiptare me buxhetin e shtetit në një kohë pandemie dhe krize globale./ CNA.al

Dokumentet-Shqipëria ?digjet?, institucionet krihen/ 2.3 miliardë lekë tendera për vajra, graso, goma e saraqineska