E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Edi Rama mbyll jetën, por jo tenderat

30 Mars 2020, 13:35, Politikë CNA

Sot në një vëzhgim të thjeshtë të bërë nga CNA.al në Agjencinë e Prokurimeve Publike dhe Drejtorinë e Përgjithshme të Thesarit vihet re se qeveria shqiptare, institucionet e vartësisë dhe pushteti vendor po vazhdojnë të zhvillojnë tendera, të bëjnë prokurime dhe të bëhen edhe pagesa.

Sipas të dhënave zyrtare që i gjeni në linkun e mëposhtëm, janë të paktën pesë buletine të posaçme të cilat kryesisht kanë të bëjnë me rindërtimet e tërmetit dhe tre buletine të tjera të zakonshme, ku me dhjetëra institucione, bashki, ministri, drejtori të ndryshme, zhvillojnë tendera të përditshme.

Pa folur më tej për institucionet e kontrolluara nga qeveria me bordet e tyre të cilat po bëjnë bëmat dhe gjëmat e ditës, apo drejtoritë e e ujësjellësva që shkojnë të blejnë hekura në kohën e krizës së madhe.

E ndërkohë që gjithë bota po merr masa, Thesari paguan para për gjëra që nuk duhen paguar e nga ana tjetër institucionet të cilat askush tashmë nuk ka nevojë.

Një tender është publikuar sot. Por janë 266 faqe tendera e prokurime, për rikonstruksione zyrash, rikonceptime sheshesh, rivitalizime rrugesh, rikualifikime urbane, rehabilitime sheshesh, blerje materialesh elektrike e deri tek blerja e inerteve.

E ndërsa njerëzve iu thuhet se jemi në luftë, Posta Shqiptare ble 600 milionë lekë borja e tonera për printera.

Kryeministri ynë me dy fytyra. Nga njëra anë del e na thotë se jemi në kohë lufte dhe mbyll jetën e shqiptarëve duke vendosur kufizime dhe orare, të cilat deri diku mund të jenë për tu përshëndetur për shkak të faktit se mund të ndihmojnë në parandalimin e një përhapje të madhe të Covid-19, virusit që po bën kërdinë në Europë dhe botë. Dhe nga ana tjetër nuk mbyll tenderat, nuk mbyll shpenzimet e buxhetit, për këtë situatë mjaft kritike.

Edi Rama të mbyll jetën, por tenderat nuk i mbyll. E kjo është dyfyrësia e kryeministrit tonë, i cili nga njëra anë na flet për luftë e nga ana tjetër vijon tenderat si në kohë paqeje.

Lufta është për njerëzit që iu mbyllet jeta, kurse tenderat për hajdutët e pushteteve vazhdojnë të rrjedhin si lumenj./CNA.al

Skandali/ Qeveria, miliona euro tendera në kohë lufte

Dokumentet-Shqipëria ?digjet?, institucionet krihen/ 2.3 miliardë lekë tendera për vajra, graso, goma e saraqineska