web counter
LEXO PA REKLAMA!

SHKARKO APP

App Store
Google Play

E fundit!

x

Basha "i përvishet" qeverisë për menaxhimin e situatës/ Tregon çfarë e shqetëson më shumë

30 Mars 2020, 15:27, Politikë CNA

Kryetari i opozitës Lulzim Basha ka treguar se çfarë e shqetëson më shumë gjatë këtyre ditëve, ku qytetarët kanë mbetur të papunë dhe po përballen me koronavirusin.

Lideri i demokratëve thotë se ajo që e shqetëson është se çfarë do ndodhë nesër me qytetarët që nuk kanë as para për të ngrënë.

?Shqetësimi im kryesor sot më 30 mars është që edhe 50 mijë lekëshi i fundit i familjeve në nevojë ka shkuar drejt harxhimit. Çfarë do të ndodhë nesër? A do të kenë njerëzit, të cilët duhet të përfitojnë ndihmë sociale, mjaftueshëm para për të blerë bukën, vajin, sheqerin, miellin, orizin? Sepse këto janë pyetjet që i bën vetes çdo kryefamiljare dhe çdo kryefamiljar i familjeve në nevojë, të cilat sot për fat të keq, përbëjnë 50% të familjeve shqiptare dhe këto pyetje meritojnë përgjigje?, u shpreh ai.

Teksa u pyet gjatë një lidhje me Vizion Plus se si mund të zhbëhen kocesionet për të cilat ka kërkuar anullim, pa kosto ekstra, Basha tha se mekanizmi i vetëm është ligji.

?Mekanizmi është ligji. Ligji për fatkeqësinë natyrore u jep të drejtën autoriteteve të pezullojnë çdo kontratë, jo më kontratat koncensionare, por çdo kontratë. Pra nuk ka asnjë alibi. Ka vetëm mungesë vullneti dhe ka një tentativë për t?i rrëshqitur pyetjeve, të dhimbshme. Natyrisht, kjo është një përballje me shumë fronte, por pyetjeve të dhimbshme nuk mund t?i rrëshqasësh me propagandë dhe pyetjet e dhimbshme sot janë:

1. Çfarë do të bëhet me 300 mijë shqiptarë që ushqeheshin 1 herë në ditë para kësaj krizë?

2. Çfarë do të bëhet me mbi 50 mijë familje të hequra nga ndihma ekonomike këto katër vite të cilat nuk përfitojnë nga kjo VKM.

3. Çfarë do të bëhet me 50-70 mijë biznese, të cilat detyrohen të mbyllen, por edhe po qëndruan hapur sipas normativave nuk kanë xhiro, sepse njerëzit lëvizin me autorizim, të cilat nuk përfitojnë nga VKM-ja?

4. Çfarë do të bëhet për sigurinë tani të flasim jo thjesht për çështje ekonomike, me 70 mijë kryesisht nëna dhe vajza që punojnë në fasoneri apo në call centera, të rinj, apo qoftë dhe fabrika të cilat janë potencialisht vatra infeksioni dhe mund të zhbëjnë, zhvlerësojnë çdo sakrificë që kemi bërë si shoqëri deri më sot?, deklaroi kryedemokrati./ CNA.al





Lajmet e fundit nga