web counter
LEXO PA REKLAMA!

SHKARKO APP

App Store
Google Play

E fundit!

x

Basha kërkon sërish anullimin e 12 koncesioneve/ “Prioritet është shëndetësia, duhet transparencë”

30 Mars 2020, 15:18, Politikë CNA

Kryetari i Partisë Demokratike Lulzim Basha ka kërkuar sërish anullimin e 12 koncesioneve që pretendon se kryeministri Edi Rama ia ka dhënë 10 miqve të tij.

Basha deklaron se Shqipëria duhet të fokusohet te shëndetësia, pasi sipas tij qeveria ka mundësinë të bëjë 3 herë më shumë sesa ka bërë deri tani me paketën e ndihmës.

?120 milion euro të cilat janë të buxhetuara këtë vit për 12 koncensione për 10 oligarkë, siç i njeh tashmë populli, duhet të anullohen menjëherë. Afro 40 milion euro në shpenzime operative duhet të ridestinohen menjëherë. Afro 100 milion euro në investime publike, mund të ridestinohen menjëherë. Në vend të kësaj shohim që vetëm në 10 ditët e fundit, kanë shkuar afro 30 milion euro për beton. Betoni nuk është prioritet sot. Sot prioritet është shëndetësia, siguria e jetës së qytetarëve, janë shtresat në nevojë të cilat po afrohen në një pikë vlimi ku nuk kanë më me çfarë të përballojnë të përditshmen e tyre dhe është ndërtimi i mekanizmave për të mbrojtur ekonominë?, tha lideri i PD në një lidhje me Vizion Plus.

Kryedemokrati ngre akuzat se qeveria është shumë vonë në marrjen e masave për të përballuar një front tjetër të kësaj lufte që është kriza ekonomike.

?Ne kemi pothuajse 3 jave që kemi propozuar paketën tonë, disa propozime janë pranuar, me vonesë por janë pranuar. Unë e kam përshëndetur pranimin e tyre. Por nga ana tjetër nuk po zbatohen. Akoma nuk e dimë nëse në fund të marsit njerëzit që janë mbyllur në shtëpi, qofshin ata të vetëpunësuar apo punëmarrës tek bizneset të cilat janë mbyllur dhe nuk janë në gjendje të paguajnë pagat e punonjësve të tyre, do të kenë mundësinë të kenë minimumin jetik të garantuar në kontot e tyre bankare. Për këtë kemi kërkuar transparencë. Kemi kërkuar që masat e marra dhe të shpallura të detajohen dhe njerëzit ta dinë se kush përfiton dhe si përfiton. Deri tani nuk e kemi këtë?, thekson Basha.

Kryetari i opozitës me tone të ashpra thotë se është koha për të frenuar çdo shpenzim korruptiv dhe abuziv./ CNA.al





Lajmet e fundit nga