“I specializuar” për të mbyllur çështjet/ Gjyqtari Sallaku shfryn “tullumbacen” CEZ

24 Janar 2020, 19:24, Opinione CNA

Një tjetër dosje e bujëshme gjyqësore është mbyllur paraditen e sotme, me një vendim që ka befasuar ?rilindasit?, protagonistë të këtij procedimi, anëtarët e Komisionit hetimor Parlamentar dhe atë pjesë të publikut që të ngulfatur nga propaganda mediatike nuk e priste një fund të tillë.

Bëhet fjalë për vendimin e dhenë prej gjyqtarit të Gjykatës së Tiranës, Lazër Sallaku, i cili, pas 12 vitesh pritshmërie e debatesh të ashpra, ka vendimuar pushimin e procedurës së shitjes së OSSH dhe kalimit të saj tek çekët nën emërtesën ?CEZ?.

Çështja ?CEZ? ka nisur me zhurmë që prej vitit 2008 dhe për hetimin e thelluar të saj në prill të vitit 2016 u ngrit edhe një Komision Hetimor parlamentar, i cili u morri dëshmi një serë ish zyrtarë të lartë të kohës të përfshirë në privatizim dhe shndërrimin e OSSH shqiptare në CEZ-in me pronësi çekët. Ky proces, sipas maxhorancës qeverisëse, ka qenë korruptivë dhe i ndikuar nga përfitime personale të zyrtarëve përgjegjës.

Kryetari i Komisionit Hetimor parlamentar u vendos Taulant Balla, kryetar i grupit parlamentar dhe sekretar i Përgjithshëm i PS

Në nisje të punës ai deklaroi se, si në privatizim ashtu edhe në vendosjen e tarifave të energjisë elektrike CEZ është favorizuar në dëm të konsumatorëve dhe financave të shtetit.

Sipas Ballës, ish kryeministri Berisha, ministra të qeverisë dhe këshilltarët e tij, kanë ushtruar ndikimin e tyre në kundërshtim me ligjin për të favorizuar kompaninë çeke.

I njejti refren i maxhorancës vijoi edhe ndër vitet pasuese duke krijuar bindjen se ndëshkimi nga drejtësia i të përfshirëve në këtë aferë do të ishte i pashmangshëm. Gjë që nuk ndodhi, falë vendimit të gjyqtarit Sallaku, i cili vendosi të mos e gjykojë më këtë çështje, pasi pretendon se privatizmi i OSSH nga çekët nuk përbën vepër penale. Pasi nuk janë gjetur elemente të veprës penale ndaj zyrtarëve të përfshirë në të.

Vendimi pushues i Sallakut vjen pasi, pak ditë më pare, ai dha të njejtin vendim pushues të hetimeve edhe për lobimin me financime ruse të kryetarit të opozitës Lulzim Basha, e të përfshirëve në të: ish sekretarit të Përgjithshëm të PD, Arben Ristani, dhe shefit të Financës të këtij partie, Ilir Dervishi./ CNA.al