web counter
LEXO PA REKLAMA!

SHKARKO APP

App Store
Google Play

Nga Armir Shkurti/ Kush e regjistroi kokainën e kryetarit në Bulqizë?

23 Janar 2020, 12:48, Opinione CNA

Kush ia futi? Kush do ta djegë? Këto janë pyetjet e para që lindin sa merr vesh meselenë e Bulqizës me kokainë.

Të kuptohemi që as kryetari i bashkisë e as partia që e ka vënë nuk më interesojnë. Por më gudulis pak skenari. Dhe po e shpjegoj sepse.

Që një kryetar bashkie të thithë rehat – rehat pluhur të bardhë me hundë doemos duhet që ambienti të jetë ose bosh ose me prani vetëm të një rrethi të besuarish.
Që një njeri të shkojë tek banaku i një lokali do të thotë se “është në shtëpi të vet”.

Edhe kamera e sigurisë, mbi banak, është e shtëpisë. Shih me kujdes pamjet e shfaqura të mërkurën e 22 janarit në televizione. Pa shumë zor dallon se dikush ndodhet atë çast në pult duke manovruar me kameran: ngri, ul, afro tek individi në banak. Pra njeriu që supozohet se po drogohet nuk është kapur rastësisht por dikush është në veprim pas kameras që regjistron ngjarjen.

Kthehemi tek ideja e “shtëpisë”. Duke qenë në një mjedis të besës, çfarë ka ndodhur që e kanë çuar tek banaku, nën një kamera që e ndjek dhe e filmon si në Big Brother, e më pas po kjo “shtëpi” e shpërndan regjistrimin?

Folloëwthe money (ndiq paratë) – është parimi amerikan i hetimit. Këtu unë ndaloj, se mes interesave të kromit, politikës që është përzjerë, leje a tendera … një shantazh i shkuar keq…? (pa përjashtuar as inatin shqiptar)… nuk di ç’të zgjedh sepse jam shumë jashtë historisë.

Ama si veteran i medias dhe emisioneve investigative nuk kam dyshim: është skenar i organizuar 99.99%. Ose 0.01% është një zinxhir i habitshëm e unik rastësishë./Shkruar për CNA.al





Lajmet e fundit nga