web counter
LEXO PA REKLAMA!

SHKARKO APP

App Store
Google Play

E fundit!

x

“BKH do të veprojë si FBI”/ Ambasada e SHBA jep mesazhin e rëndësishëm, si do luftohet krimi dhe korrupsioni

8 Janar 2020, 13:15, Politikë CNA

Ambasada e SHBA në Tiranë vijon të japë mesazhe në mbështetje të Reformës në Drejtësi.

Së fundi, ambasada e SHBA ka publikuar në faqen e saj zyrtare një mesazh, ku ndër të tjera shkruan se prioritet i punës është lufta kundër korupsionit.

Po ashtu, ambasada e SHBA shkruan se këtë javë do të mësoni sesi Byroja Kombëtare e Hetimit (BKH), njësia hetuese dhe një nga dy elementët e SPAK, do të veprojë në mënyrë të ngjashme me FBI-në amerikane dhe do të hetojë korrupsionin në nivele të larta dhe krimin e organizuar.

?Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë. Këtë javë, mësoni se si Byroja Kombëtare e Hetimit (BKH), njësia hetuese dhe një nga dy elementët e SPAK, do të veprojë në mënyrë të ngjashme me FBI-në amerikane dhe do të hetojë korrupsionin në nivele të larta dhe krimin e organizuar.

Elementi i dytë i SPAK, Zyra e Prokurorit të Posaçëm ose SPO, do të çojë në gjykatë çështjet e hetuara nga SPAK. Kjo video tregon se si 4 milionë dollarë që Qeveria e Shteteve të Bashkuara ka dhënë për BKH-në, do të përdoren në mbështetje të përpjekjeve të Shqipërisë për zhvillimin e sistemit etik, transparent dhe profesional të drejtësisë që qytetarët e saj meritojnë. #ShqiperiaLuftonKorrupsionin #NdalKorrupsionit?-thuhet në mesazh./ CNA.al





Lajmet e fundit nga