web counter
LEXO PA REKLAMA!

SHKARKO APP

App Store
Google Play

Një manual politik si kujtesë për Edi Ramën

8 Janar 2020, 09:26, Politikë CNA

Disa kohë më parë, diku në një vend të Europës, një kryeministër, pasi mori detyrën, mbi tryezë gjeti tre zarfe.

Sipas udhëzimit, zarfin e parë duhet ta hapte kur të fillojnë pakënaqësitë e trazirat. Më pas të dytin dhe të tretin, sipas halleve që do ketë.

Në fakt, historia e mëposhtme, do të ishte një manual politik që do ti shërbente mjaft mirë si kujtesë Edi Ramës, për të cilin duket se ka ardhur momenti të hapë zarfin e tretë.

Më poshtë historia e plotë:

Manuali i politikës, kur erdhi në pushtet kryeministri gjeti një letër mesazh dhe tre zarfa mbi tryezë.

Mesazhi thoshte, ta gëzosh detyrën, sapo të zbehet euforia e këtyre ditëve dhe të fillojnë pakënaqësitë e trazirat hap zarfin e parë… sipas hallit të dytin e më rradhë të tretin.

E harroi kryeministri këte punë deri sa i filluan ankesat, hallet e protestat. Hapi zarfin e parë dhe thoshte ?premto, premto pafund, dhe po ishe i qartë që po gënjen, do shohësh gjerët do rregullohen?.

Filloi kryeministri, premtoi, u betua, genjeu pafund. I besuan, pothuaj u besoi dhe vetë e gjërat u rregulluan… për pak kohë.

Me pas gënjeshtrat dolën, trazirat filluan protestat u ndezën e ai hapi zarfin e dytë.

?Thuaj fajin e kanë ata, të mëparshmit, mashtruesit, të paaftët, pseudoatdhetarët, ata na lanë këtu?. Sërish gjërat u qetësuan për disa kohë po kjo sërish nuk zgjati. I ishte bërë si drogë s kish rrugë e hapi të tretin e lexoi i pezmatuar: ?Është koha për të shkruar dhe ti tre zarfe për pasardhësin tënd?./ CNA.al





Lajmet e fundit nga