web counter
LEXO PA REKLAMA!

SHKARKO APP

App Store
Google Play

"Konfliktet artificiale"/ Meta: Shqipëria është defaktorizuar qëllimisht

7 Janar 2020, 22:12, Politikë CNA

Presidenti Ilir Meta i ftuar në emisionin ?Tempora?, ka folur ndër të tjera edhe për mënyrën se si ushtrohet demokracia në Shqipëri. Meta ka tërhequr vëmendjen duke u shprehur se në kushtet e sotme, Shqipëria nuk mund të vazhdojë, si gjithmonë, që zgjidhjet t’i vijnë nga jashtë, nga vendet e tjera.

Sipas Metës, vetë ai ka bërë përpjekjet më të mira për integrimin europian të Shqipërisë, pavarësisht konflikteve artificiale që e kanë defaktorizuar vendin tonë.

?Ku është sot Shqipëria dhe Serbia me Malin e Zi?! Janë gjithë këto konfilkte artificiale të investuara dhe sponsorizuara që e kanë defaktorizuar Shqipërinë në mënyrë të qëllimshme. Gjithmonë kam bërë përpjekjet më të mira, për integrimin evropian të Shqipërisë? u shpreh Meta.

Sa i përket demokracisë në Shqipëri, Meta u shpreh se ajo ka ekzistuar mirëpo meqenëse nuk është zhvilluar siç duhet, vendi ka përfunduar sot në një situatë të rënduar.

?Ne gabuam duke menduar se demokracinë do e kemi njëherë e përgjithmonë, ndërkohë që ajo duhet ruajtur e zhvilluar përndryshe e humbet dhe përfundon në këtë situatë që jemi sot”, u shpreh Meta.

Sa i përket një ndihme të marrë nga fuqitë ndërkombëtare, Meta u shpreh se bota është bërë më e egër, duke lënë të nënkuptohet se Shqipëria duhet të ecë në këmbët e veta.

?Kemi pritur gjithmonë që këto zgjidhje do na e sjellë dikush nga jashtë, ndërkohë që bota sot është bërë pak më e egër, pak më e pamëshirshme?, tha ndër të tjera President i Republikës./CNA.al





Lajmet e fundit nga