web counter
LEXO PA REKLAMA!

SHKARKO APP

App Store
Google Play

Kërkesë urgjente: Plotësoni SPAK/ Në radhë janë Elisabeta Imeraj dhe Anton Martini

7 Janar 2020, 20:07, Politikë CNA

Kur Këshilli i Lartë i Prokurorisë të përfundojë pushimet dimërore do të duhet që sërish të merret me një çështje prioritare siç është SPAK. Një kërkese e kryeprokurorit të SPAK, Arben Kraja që lidhet me strukturën e prokurorisë së posaçme pritet të mbledhë anëtarët e qeverisë së akuzës në datën 15 janar.

Prokuroria e posaçme SPAK vazhdon të jetë me tetë prokurore të emëruar dhe dy të komanduar. ndërkohë që kryeprokurori i SPAK, Arben Kraja i kërkon këshillit të Lartë të prokurorisë plotësimin e vendeve vakante duke i dërguar një shkresë

Siç thonë burime të sigurta të Top Channel, SPAK kërkon plotësimin edhe me dy vende të tjera të prokurorisë antikorrupsion, pas vakancës së krijuar nga largimi i besnik Muçit dhe Ndini Tavani, të cilët teksa ishin të listuar si prokurorë të Spak dhanë dorëheqjen nga ky pozicion, më pas ata u shkarkuan edhe nga vettingu. Çelja e garës nga ana e Klp do t?u japë sërisht mundësi prokurorëve të konkurrojnë, ndërkohë që nga lista e KLP presin ende vettingun Elizabeta Imeraj, dhe Anton Martini. Anita Jella dhe Doloreza Musabelliu janë konfirmuar në detyrë por nuk mund të emërohen pa kaluar afatet e apelimit të vettingut. Numri i pakët i prokurorëve të SPAK mban peng ndërkohë mos ngritjen e dy departamenteve atë të hetimit të korrupsionit dhe të hetimit të krimit të organizuar të cilët do të jenë të ndarë nga njëri-tjetri.

Ndërkohë sipas një kontrate të firmosur me ministrinë e brendshme kanë nisur punimet në katin e tretë të godinës së SPAK aty ku do të vendoset byroja kombëtare e hetimit.

Shumë qytetarë të pakënaqur nga drejtësia kanë dorëzuar kallëzime penale pranë SPAK, shumica e të cilëve ankohen për çështjen e pronave duke hedhur dyshime ndaj gjyqtarëve dhe prokurorëve./Top Channel





Lajmet e fundit nga