web counter
LEXO PA REKLAMA!

SHKARKO APP

App Store
Google Play

“Nuk është në plan BE-ja, por poshtërimi i Shqipërisë”/ Meta kritikon qeverinë

7 Janar 2020, 20:36, Politikë CNA

Presidenti i Republikës Ilir Meta, i ftuar në studion e Ora news, ka folur mbi situatën politike në Shqipëri, duke u ndalur në çështje problematike siç është shpopullimi i Shqipërisë dhe mungesa e një plani për t’u integruar në Bashkimin Europian.

Në lidhje me shpopullimin e Shqipërisë, Meta u shpreh për të disatënherë se shifrat po rriten nga dita në ditë, gjë që do ulë ndjeshëm popullsinë në Shqipëri, gjatë viteve të ardhshme.

“Shqipëria po shpopullohet. Me këto ritme shpopullimi, jo largimi, parashikohet që në vitin 2100 të ketë minus 60% të popullsisë që ka sot. Vazhdon ritmi i largimit të shqiptarëve. Nga Shqipëria ikin 8,3 herë më shumë se nga Serbia dhe 11 herë më shumë se nga Mali i Zi. Kjo është ajo që më shqetëson”, u shpreh Meta.

Më tej presidenti tha se, një nga shkaqet kryesore për ikjen e njerëzve nga Shqipëria është fakti se qeveria e tanishme nuk e ka në plan integrimin në Bashkimin Europian, duke marrë parasysh akte si moszbatimi i reformës në drejtësi sipas Kushtetutës, mungesa e dialogut politik dhe kundërshtimi për të kryer zgjedhje demokratike. “Plani për Shqipërinë nuk është Bashkimi Europian,  por “poshtërimi i Shqipërisë”, tha Meta.

“Shqipëria nuk ka plan integrimi në BE, pasi po të ishte ky plan do të zbatohej Reforma në Drejtësi sipas Kushtetutës, po të ishte plani për në BE do të mbështetej vendimi i Presidentit për zgjedhje demokratike, po të ishte plani i BE Shqipëria do të kishte çelur negociatat, edhe mungesa e dialogut politik nuk është plan për integrimin në BE. Plani është opër poshtërimin e Shqipërisë”, tha ndër të tjera Presidenti i Republikës./CNA.al





Lajmet e fundit nga