web counter
LEXO PA REKLAMA!

SHKARKO APP

App Store
Google Play

Përplasja Meta-Dvorani/ Avokatja e Popullit në krah të Presidentit

7 Janar 2020, 20:43, Politikë CNA

Avokatja e Popullit, Erinda Ballanca ka qenë pjesë e emisionit ?Përballë?, në TVSH, ku ndër të tjera është diskutuar edhe përplasja mes kreut të KED-së, Ardian Dvorani dhe presidentit të Republikës, Ilir Meta, por dhe për procedurat e nisura nga Parlamenti për shkarkimin e këtij të fundit. Si për njerën dhe për tjetrën çështje, Ballanca ka qenë në krah të Metës.

Sipas Ballancës, veprimet e kreut të KED-së kanë kufizuar mundësinë e Presidentit për të zgjedhur anëtarë të Gjykatës Kushtetuese.

?Këshilli me këto dërgesat në mënyrë të menjëhershme dhe kohë të ndryshme ia kufizoi  edhe më tej mundësinë e zgjedhjes midis këtyre anëtarëre që ne kishim?, tha Avokatja e Popullit, duke shprehur shqetësim edhe sa i përket mungesës së burimeve njerëzore në plotësimin e vakancave në institucionet e reja të drejtësisë.

Sa i përket procedurave të nisura nga Parlamenti për shkarkimin e presidentit Meta, Avokatja e Popullit rreshtohet në krahun e Presidentit.

?Pavarësisht se në gjykimin tim kompetencat e Presidentit ishin interpretuar në një mënyrë të zgjeruar, ajo nuk përbën një shkelje të rëndë. Në mjaft raste edhe Kuvendi ka përdorur të njëjtën praktikë. Ka bërë edhe ç?emërime të personave që i ka emëruar Kuvendi, duke e marrë të mirëqenë që institucioni që ka të drejtën e emërimit, ka edhe të drejtën e ç?emërimit?, ka vlerësuar Erinda Ballanca./CNA.al





Lajmet e fundit nga