web counter
LEXO PA REKLAMA!

SHKARKO APP

App Store
Google Play

E fundit!

x

Shtatë arsyet pse duhet të nisni të mësoni një gjuhë të huaj

1 Janar 2020, 13:45, Aktualitet CNA

Gjysma e popullsisë botërore zotëron të paktën 2 gjuhë. Mësimi i një gjuhe të re, përveç shtimit të mundësive të komunikimit, sjell edhe shumë përfitime të tjera. Ja cilat janë ato:

1. Ju bën më të zgjuar

Studimet kanë treguar, se zotërimi i më shumë se një gjuhe, shoqërohet me një arsyetim më të mirë, dhe me një aftësi për zgjidhjen e problemeve të ndryshme. Ajo i ndihmon gjithashtu njerëzit të përballen me situata të panjohura. Përdorimi i një gjuhe tjetër, ka ndërkohë prirjen të vonojë fillimin e sëmundjes së dementias.

2. Nxit arritjet akademike

Zotërimi i një gjuhe të huaj, forcon rezultatet akademike në universitet. Të zotëruarit e dy gjuhëve, sjell përfitime sidomos për fëmijët e familje me të ardhura të ulëta. Një studim tjetër zbuloi se fëmijët, familjet e të cilëve flisnin një gjuhë të dytë në shtëpi, regjistronin rezultate më të mira në testet konjitive sesa ata, familja e të cilëve fliste vetëm një gjuhë.

3. Ofron avantazhe profesionale dhe në karrierë

Studimet e ndryshme kanë treguar, se kërkesa për punëtorë që flasin të paktën 2 gjuhë në Shtetet e Bashkuara, është dyfishuar përgjatë viteve 2010-2015. Rreth 11 milionë vende pune në SHBA-së janë të lidhura me eksportet, dhe shumica e partnerëve kryesorë tregtarë të SHBA-së përdorin gjuhë të ndryshme nga anglishtja. Ndërkaq, 9 nga 10 punëdhënësit amerikanë mbështeten tek punonjës që zotërojnë një gjuhë tjetër përveç anglishtes, dhe 1 në 4 punëdhënës amerikanë, e humbën biznesin për shkak të mungesës së aftësive të tyre gjuhësore.

4. Siguron një qasje më të gjerë në sistemin arsimor, por edhe shumë informacion

Nëse flisni një gjuhë tjetër, mund të diplomoheni edhe në një vend tjetër. E njëjta gjë vlen edhe për median e lajmeve. Për shembull ata që flasin vetëm anglisht në SHBA, nuk kanë akses në lajme dhe perspektiva nga pjesë të botës, ku dominuese janë gjuhë të tjera.

5. Ju jep më shumë aftësi sociale dhe globale

Ata që mësojnë gjuhë të huaja, kanë prirjen të kenë një qëndrim më pozitiv, si për gjuhën ashtu edhe për kulturën e vendit ku flitet ajo gjuhë. Gjithashtu, të mësosh një gjuhë të re të bën më tolerant. Në rastin kur një gjuhë mund të jetë pjesë e trashëgimisë tuaj kulturore dhe identitetare, grumbullimi i njohurive mbi atë gjuhë, bën të mundur që ne të lidhemi sërish me përvojën e brezave të dikurshme të familjes tonë.

Ndërkohë, të folurit e një gjuhe tjetër, krijon mundësi për të bërë biznes në pjesë të tjera të botës. Në përgjithësi, 75 për qind e popullsisë botërore nuk flet anglisht. Ndërkohë, ata që flasin vetëm anglisht, mund të jenë gjithashtu edhe më të kufizuar dhe më pak të prirur për të bashkëpunuar me të tjerët në mbarë botën, për zgjidhjen e problemeve globale.

6. Rrit sigurinë kombëtare

Agjenci dhe departamente të ndryshme federale që kanë lidhje me sigurinë kombëtare në SHBA, si FBI, CIA, dhe Departamentet e Shtetit dhe Sigurisë së Atdheut, kanë nevojë për më shumë agjentë dhe punonjës, që kanë mundësi të flasin dhe kuptojnë një gjuhë tjetër.

Kjo nevojë u nënvizua pas sulmeve të 11 shtatorit, kur u pa se mungesa e njohësve të gjuhës arabe, bëri që SHBA-ja të mos gjurmonte dot në kohë komunikimet e pjesëtarëve të Al-Kaidës në lidhje me sulmet e 11 shtatorit, vetëm një ditë para se ato të ndodhnin.

7. Jeta bëhet më interesante

Mendoni pak për të gjithë njerëzit në SHBA (rreth 60 milionë), dhe në mbarë botën (75 për qind e popullsisë botërore), dhe ata në internet me të cilët mund të jeni në gjndje të flisni në rast se zotëroni gjuhët e tyre./ Përshtatur nga CNA.al





Lajmet e fundit nga