web counter
LEXO PA REKLAMA!

SHKARKO APP

App Store
Google Play

E fundit!

x

2019 nuk ishte viti i Shqiptarëve!

1 Janar 2020, 14:00, Aktualitet CNA

Viti 2019 nuk ishte viti i shqiptarëve, pasi mëngjesi i 26 nëntorit solli një tragjedi të madhe për vendin tonë.

Tërmeti i fuqishëm që shkundi vendin u mori jetën 51 personave dhe plagosi qindra të tjerë.

Por tragjedia nuk përfundoi me kaq, pasi një numëri madh familjesh mbetën në qiell të hapur pasi banesat e tyre u dëmtuan nga tërmeti.

Tërmeti i fuqishëm i mëngjesit të 26 nëntorit ishte një goditje e madhe për Shqipërinë, duke shënuar një nga fatkeqësitë natyrore më të mëdha që prej vitit 1976.

Pas asaj që ndodhi Durrësi dhe Thumana i ngjajnë një fushëbeteje të denjë për luftë.
Dhjetëra godina të shkatërruar e shumë njerëz në kërkim të një strehe.

Shumë të tjerë ndajnë dhimbjen për jetën e humbura e duan të rikthehen në banesat e tyre, me shpresën se ka mbetur ndonjë kujtim i bukur, që nëse nuk e gjejnë do mbetet pengu i gjithë jetës.

Nuk ishin shumë, por ishin aq të tmerrshme ato sekondat e 26 nëntorit, sa shkaktuan tragjedinë më të rëndë natyrore në të paktën 40 vitet e fundit.

Viti 2019 do të mbetet gjatë në memorien e gjithë shqiptarëve e sidomos të atyre që e përjetuan më shumë tërmetin.

Do ngelet ?thikë? në zemër për ata që humbën të afërmit nën rrënojat, për ata që s? mundën të jepnin përqafimin e fundit familjarëve dhe të dashurve të zemrës që ikën për të mos u kthyer kurrë më./CNA.al





Lajmet e fundit nga