web counter
LEXO PA REKLAMA!

SHKARKO APP

App Store
Google Play

Rreziku i madh i ndotjes ajrore/ Çfarë shkakton tek fëmijët

25 Dhjetor 2019, 21:15, Blog CNA

Astma cilësohet si një ndër sëmundjet më të rënda, për arsyen se ende nuk është gjetur një kurë për zhdukjen përfundimtare të saj nga trupi i njeriut. Ka arsye të ndryshme pse kjo sëmundje mund të shkaktohet, një prej të cilave dhe më dominantja në kohët e sotme sidomos tek fëmijët, është ndotja atmosferike.

Sipas studimeve të Agjensisë së Mbrojtjes së Mjedisit në Shtetet e Bashkuara (EPA), ndotja atmosferike për shkak të trafikut automobilistik lidhet me 4 milion raste të reja të astmës tek fëmijët çdo vit. Ky studim ka marrë si subjekt se si ndotja ndikon në shëndetin e fëmijëve në 194 shtete dhe 125 qytete të mëdha.

Ekspozimi ndaj ndotjes së ajrit në vitet e para të jetës kontribuon në zhvillimin e astmës gjatë fëmijërisë dhe adoleshencës, veçanërisht pas moshës 4 vjeçare. Ekspozimi ndaj ndotjes së ajrit mendohet se mund të shkaktojë astmë tek fëmijët duke ndikuar në zhvillimin e mushkërive dhe sistemin imunitar.

Hapat e mëposhtëm mund të ndihmojnë në uljen e nivelit personal të ekspozimit ndaj ndotjes së ajrit:

1. Zgjidhni të banoni më shumë se 200 metra larg nga një rrugë kryesore.

2. Shmangni udhëtimet gjatë orarit të trafikut.

3. Kontrolloni parashikimet lokale të cilësisë së ajrit dhe mos kaloni kohë në ambiente të hapura kur ajri është shumë i ngarkuar.

4. Mbani dritaret e automjetit tuaj të mbyllura gjatë drejtimit, veçanërisht nëse jeni të mbërthyer në trafik.

5. Shmangni aktivitetet dhe ushtrimet fizike afër rrugëve kryesore në rastet kur nivelet e ndotjes së ajrit janë të larta, veçanërisht pasdite dhe në mbrëmje./CNA.al





Lajmet e fundit nga