web counter
LEXO PA REKLAMA!

SHKARKO APP

App Store
Google Play

E fundit!

x

Albin Kurti refuzon ofertën e Isa Mustafës/ Çfarë propozoi lideri i LDK

19 Dhjetor 2019, 09:14, Kosova & Bota CNA

Marrëveshja për krijimin e Qeverisë së re të Kosovës nuk është finalizur ende, ndërsa takimet midis dy liderëve vazhdojnë. Kryetari i LDK Isa Mustafa ka dalë me një ofertë të re për Vetëvendosjen. Ai ka propozuar që t?i japë një Ministri më tepër Lëvizjes Vetëvendosja në këmbim të pozitës së Presidentit.

Mustafa ka thënë se propozimi i tij parasheh që Ministria t?i jepej Vetëvendosjes në vitin 2021, në momentin që Presidenti i propozuar nga LDK- ja të merrte votat e mjaftueshme nga Kuvendi i Kosovës.

Por duket se propozimi i Mustafës është hedhur poshtë nga lideri i VV Albin Kurti, i cili këmbëngul që posti i presidentit nuk duhet të jetë pjesë e pazareve politike, pasi Presidenti është mbi të gjitha një personalitet që do të përfaqësojë unitetin e popullit.

Isa Mustafa, kryetar i LDK-së Mustafa ka treguar se LDK-ja nuk ka plan B për të ardhur në Qeveri në rast të dështimit të marrëveshjes më VV-në, dhe si rrjedhojë nuk përjashton mundësinë për të kaluar në opozitë.

Nën e Lidhjes Demokratike të Kosovës, Vjosa Osmani ka deklaruar se LDK-ja po pret nga Vetëvendosje të njëjtin vullnet politik siç e ka partia e saj për të arritur marrëveshjen e koalicionit. Ajo tha se vendi mund të shkojë në zgjedhje nëse pas konstituimit të Kuvendit dështon formimi i Qeverisë në dy rastet që obligon Kushtetuta. Në lidhje me postin e Presidentit, Osmani tha se është çështje e balancimit të pushtetit dhe asgjë më tepër./CNA.al





Lajmet e fundit nga