web counter
LEXO PA REKLAMA!

SHKARKO APP

App Store
Google Play

Shpërthejnë zjarret në Australi/ Urgjencë në Sidnei dhe Uellsin e Ri Jugor

19 Dhjetor 2019, 07:52, Kosova & Bota CNA

Autoritetet australiane kanë shpallur sot zyrtarisht gjendjen e jashtëzakonshme shtatë ditore në Uellsin e Ri Jugor, kryeqyteti i të cilit është Sidnei, pasi temperaturat e larta favorizojnë përhapjen e zjarreve gjigantë që janë ndezur në Australi pikërisht për shkak të motit.

Për marrjen e kësaj mase, Kreu i qeverisë lokale të këtij shteti l, Gladys Berejiklian përmendi arsyen “kushtet katastrofike meteorologjike”.

Rreth njëqind zjarre janë ndezur përgjatë javëve të fundit, pothuajse gjysma e të cilëve janë të pakontrolluar. Zjarret kanë krijuar një tym të ri toksik që ka përfshirë Sidnein, qytetin më të madh të Australisë.

Tridhjetë milion hektarë tokë janë djegur në të gjithë vendin dhe gjashtë njerëz kanë humbur jetën në qindra zjarre gjatë muajve të fundit në Australi.

Përhapja e zjarreve nuk është e pazakontë në kontinentin e hemisferës jugore, por këtë vit situata u bë problematike më herët, pasi zjarret u përhapen shumë shpejt. Studiuesit paralajmërojnë se rritja e temperaturave globale do të krijojnë kushte të cilat favorizojnë ndezjen e zjarreve./CNA.al





Lajmet e fundit nga