web counter
LEXO PA REKLAMA!

SHKARKO APP

App Store
Google Play

Mini – Shengeni Ballkanik/ Thaçi refuzon ftesën e Ramës

18 Dhjetor 2019, 12:48, Kosova & Bota CNA

Presidenti i Republikës së Kosovës, Hashim Thaçi përmes një deklarate në rrjetet sociale ka refuzuar thirrjet për iniciativa për bashkëpunim rajonal me dy shtete të cilat nuk e pranojnë Kosovën si shtet, siç është Serbia dhe Bosnje Hercegovina.

Duke falenderuar Edi Ramën për mbështetjen e vazhdueshme të Shqipërisë ndaj Kosovës, Thaçi ka trajtuar çështjen problematike të pengesave për konsolidimin e Kosovës si shtet, që vijnë kryesisht nga Serbia. Duke theksuar se Serbia ka kryer genocit kundrejt Kosovës, Thaçi u shpreh se ajo është edhe sot pengesë që shteti i Kosovës të marrë frymë, ndaj nga Shqipëria pritej një qëndrim siç ka mbajtur gjatë historisë dhe jo ftesa për Mini Shengenin me Serbinë dhe Bosnje Hercegovinën.

?Mbështetja dhe bashkëpunimi reciprok ndërmjet Kosovës dhe Shqipërisë është i natyrshëm dhe i përhershëm. Mirëpo, për dallim nga Republika e Shqipërisë, Republika e Kosovës vazhdon edhe më tutje të ketë pengesa serioze në konsolidimin e shtetësisë së vet. Fatkeqësisht, pengesa kryesore vjen nga Serbia, e cila në të gjitha format dhe mundësitë, në mënyrë të vazhdueshme minon përpjekjet tona për konsolidimin e shtetësisë sonë. Serbia ka kryer gjenocid kundër qytetarëve të Republikës së Kosovës dhe sot jo vetëm që mohon krimet e kryera, por vazhdon të mos e pranojë ekzistencën e shtetit tonë. Në një situatë të tillë, thirrjet dhe iniciativat për bashkëpunim rajonal janë krejtësisht të pakuptimta. Serbia dhe Bosnje Hercegovina nuk e njohin shtetin e Kosovës? u shpreh President ii Kosovës.

?Meqenëse këto shtete nuk e njohin Kosovën, atëherë nuk duan as bashkëpunim e fqinjësi?, nënvizoi Thaçi duke thënë se kjo gjë Kosovës nuk i intereson dhe se këto iniciativa janë eksperimente rajonale të shteteve që janë rezultat i paaftësisë së Bashkimit Europian për t?ia hapur dyert e anëtarësimit shteteve të Ballkanit Perëndimor.

Me këto argumenta, Thaçi ka refuzuar pjesëmarrjen në takimin e tretë të këtij formati rajonal që mbahet në Tiranë./CNA.al





Lajmet e fundit nga