web counter
LEXO PA REKLAMA!

SHKARKO APP

App Store
Google Play

"Qeveria të lërë shown propagandistik"/ Tabaku: Ja tre pikat ku duhet të bazohet puna pas tërmetit

3 Dhjetor 2019, 16:06, Politikë CNA

Ish-deputetja Jorida Tabaku në emisionin “Top Talk” tha se qeveria duhet të fokusohet në tre pika për të vijuar punën për normalizimin e situatës pas tërmeteve.

Tabaku tha se si fillim qeveria duhet të lërë shown propagandistik dhe të fokusohet në punë, si dhe kërkoi të bëhet transparent fondi i emergjencës dhe të anullohen PPP-të.

“Momenti kryesor dhe gjërat kryesore që qeveria duhet të bëjë është të lërë shown, ne kemi nxjerrë me fakte disa zona qe qeveria as nuk i ka parë dhe as nuk janë prekur.

Ne duam të dimë sa është fondi i emergjencës, deri në sot nuk kemi parë një shifër zyrtare. Së treti duke qenë se buxheti i shtetit është duke u diskutuar, ne bëjmë thirrje të anullohen PPP-të. Bëjmë dhe një herë thirrje se kemi nevojë për njerëz të përgjegjshëm, që të lërë shown, të lërë propagandën. Nuk ka askush edhe njëherë dëshirë të shohë shown propagandistik, tha ish-deputetja, ndërsa kërkoi që politikanët të mos merren me opozitën, por të fokusohen në situatën e jashtëzakonshme ku ndodhet vendi.

“Opozita ka bërë atë që nuk ka bërë qeveria, ka hedhur dritë mbi atë që ka lënë në hije qeveria, të mos merremi me opozitën në këto ditë”, theksoi ajo./ CNA.al





Lajmet e fundit nga