web counter
LEXO PA REKLAMA!

SHKARKO APP

App Store
Google Play

Meta takim me pedagogët dhe drejtuesit shkencorë/ Zbulohen kërkesat për qeverinë

3 Dhjetor 2019, 13:24, Politikë CNA

Presidenti Ilir Meta ka zhvilluar sot një takim me pedagogë dhe drejtues shkencorë, për të folur në lidhje me situatën e krijuar pas tërmetit të 26 nëntorit.

Në një postim në rrjetet sociale, Meta bën të ditur se pas këtij takimi i ka kërkuar qeverisë ?Fillimin e punës sa më parë, për azhornimin dhe kompletimin e një Harte të re Fizike të Riskut për Shqipërinë në të cilën do të përfshihen dhe saktësohen zonat me rrezik sizmik, si dhe të gjitha territoret e kërcënuara nga erozionet, përmbytjet, rrëshqitjet, zjarrjet, etj;?.

Po ashtu, Meta thekson se ka kërkuar edhe zbatimin e detyrueshëm në të gjithë territorin e vendit të sistemit të eurokodeve në ndërtimet civile dhe objektet e banimit, pa asnjë përjashtim dhe plotësimin e legjislacionit të planifikimit urban me elementë të rinj sigurie, sipas procedurave bashkëkohore, në projektimin dhe ndërtimin e objekteve të ndërtimit.

Ndër të tjera, ai e cilëson të domosdoshme edhe mbështetjn financiare, për kërkimin shkencor.

?Në kuadër të rishikimit të Buxhetit 2020, për përballimin e pasojave tepër të rënda, duhet të planifikohet edhe mbështetja e domosdoshme financiare për institucionet përkatëse të kërkimit shkencor.?-shkruan Meta./ CNA.al





Lajmet e fundit nga