E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Rama përfshihet në skandal/ Ish-deputeti i numëron aferat korruptive

3 Dhjetor 2019, 11:12, Politikë CNA

Ish-deputeti i Partisë Demokratike, Agron Shehaj ka hedhur akuza të forta sot në drejtim të kryeministrit Edi Rama.

Në një postim në rrjetet sociale, Shehaj shkruan se tërmeti i 26 nëntorit la 10 mijë persona të pastrehë, dhe kostoja totale për ndërtimin e banesave për strehimin e të gjithë të prekurve është rreth 100 milionë euro.

?10 mijë persona të pastrehë kanë mbetur nga tërmeti, raporton Zëri i Amerikës. Për t’i strehuar do të duhen rreth 2 500 apartamente. Me një kosto mesatare ndërtimi prej rreth 40 mijë euro për apartament, kostoja totale për ndërtimin e banesave për strehimin e të gjithë të prekurve është rreth 100 milionë euro.?.

Por, më tej Shehaj shton se dëmshpërblimi që shteti shqiptar do t?i paguajë Becchettit pasi Edi Rama mbylli median që ekspozonte korrupsionin e tij, është më i lartë se kostoja e rindërtimit të këtyre banesave.

?Ndërkohë, 110 milionë euro do t?i paguhen dëmshpërblim nga paratë e njerëzve Becchettit pasi Edi Rama mbylli median që ekspozonte korrupsionin e tij.?-shkruan Shehaj.

Po ashtu ai numëron edhe disa koncesione të cilat i cilëson me kosto të fryrë dhe koruptive, ndërsa hedh akuza të forta ndaj Ramës.

?Të paktën 100 milionë euro do shkojnë si kosto e fryrë korruptive në secilin nga koncesionet e Rrugës së Arbërit, Rrugës Milot-Balldren. Më shumë para do të shkojnë për koncesionet korruptive me kompani guackë të incineratorëve. Të paktën 100 milionë euro është fryrja e kostove në koncesionet e shëndetësisë, gjysma e tyre me kompani offshore. Ndërkohë, luksi dhe kapriçot e Kryeministrit u kanë kushtuar shqiptarëve mbi 500 milionë euro në fasada ndërtesash qeveritare, makiazhe sheshesh, makina, mobilje, udhëtime.

Edi Rama është një kryeministër i korruptuar, ka vjedhur me PPP me kosto të fryra, ka vjedhur me tendera ( Unaza e Madhe) dhe ka vjedhur me kompanitë guackë e offshore.?-shkruan ish-deputeti.

Sipas tij është skandal fakti se Rama nuk prek asnjë qindarkë nga luksi qeveritar as nga oligarkët, në këtë kohë tragjedie.

?Në këtë kohë tragjedie, Kryeministri ka deklaruar se koncesioneve dhe oligarkëve nuk do t?u preket asnjë qindarkë. As luksi qeveritar nuk do ndërpritet. Për njerëzit pa shtëpi dhe pa mundësi; duke parë e duke bërë.?-përfundon postimin e tij Agron Shehaj./ CNA.al