web counter
LEXO PA REKLAMA!

SHKARKO APP

App Store
Google Play

Nga Kashari te ish-uzina e traktorëve/ Zonat ku do ngrihen lagjet e reja për të prekurit nga tërmeti

3 Dhjetor 2019, 09:06, Politikë CNA

Kryeministri Edi Rama ka zhvilluar mëngjesin e sotëm një mbledhje të jashtëzakonshme me qeverinë, ku ndër të tjera tha se pas tërmetit të 26 nëntorit do të të rilindin lagje të reja në Durrës dhe në Tiranë.

Rama theksoi se pranvera e 2021 duhet gjejë Durrësin, Tiranën dhe Laçin kantier ndërtimi.

?Po diskutojmë për disa skenarë. Skenari im i preferuar është ndërtimi i disa qytezave të reja.

Objektivi im është të arrijmë në një program rindërtimi që të jetë krenari kombëtare.

Jo banesa sociale të tipit që kemi njohur deri tani, me banesa që bëhen për të varfrit dhe që e kanë të shkruar në ballë gjithë jetën që janë në shtëpitë e të varfërve.

Objektivi është që të arrijmë në një program rindërtimi, që të jetë krenari kombëtare, jo banesa sociale si ato që kemi njohur deri tani, banesa që bëhen për të varfrit dhe që e kanë të shkruar gjithë jetën në ballë që janë të varfër.

Do ndërtojmë në Durrës një lagje komplet të re, që do të jetë lagjja më e bukur pas ?90, një lagje të re nga e para, me infrastrukturë, me kanalizime, ujësjellës, kopshte, shkollë, të gjitha.

Në Tiranë do të kemi një skenar për të ndërtuar një lagjie te re dhe të madhe, dhe një skenar për të ndërtuar dy lagje tjera më të vogla.

Një prej tyre do të jetë në Kombinat, tjetra tek Ish-Uzina e Traktorëve.

Do ta shtrojmë këtë çështje me arkitektë të huaj dhe shumë shpejt dalim me rezultate.

Në zonën e Kurbinit gjithë pallatet që kemi vizituar dje do t?i shembim dhe do të ndërtojmë një lagje me parametra komplet te tjera?, tha kryeministri Rama.

Sipas Ramës, objektivi afatmesëm është ndërtimi i 10 mijë apartamenteve të reja me anë të këtij programi

?Po bëjmë gjithë kalkulimet e nevojshme, ambicia ime është të kemi një objektiv afatmesëm prej 10 mijë apartamentesh dhe një objektiv afatshkurtër prej 5 mijë apartamentesh.

Kështu, mund të përfshijmë të gjithë ata që janë drejtpërdrejtë të prekur, por edhe ata që janë me probleme sociale?, shtoi Rama./ CNA.al





Lajmet e fundit nga