web counter
LEXO PA REKLAMA!

SHKARKO APP

App Store
Google Play

Vokshi del në mbrojtje të gazetarëve/ Mos u intimidoni, kriminale është propaganda e Ramës

2 Dhjetor 2019, 18:44, Politikë CNA

Ish-deputetja e Partisë Demokratike Albana Vokshi ka komentuar deklaratat e kryeministrit Edi Rama, i cili ka sulmuar herë pas here mediat online, ndërsa i ka paralajmëruar se do t?i mbyllë nëse raportojnë ato lajme që ai i quan fake.

Vokshi me anë të një reagimi, thotë se gazetarët nuk janë kriminelë, por sipas saj kriminale është të bësh propagandë me  tragjedinë, skamjen dhe tronditjen e banorëve të prekur nga tërmetet.

?Nuk ka gazetarë kriminelë! Ka Kryeministër që bën propagandë kriminale me fatkeqësinë

Për të mbuluar përgjegjësinë direkte për keqmenaxhimin e emergjencës pas tërmetit, Edi Rama ka nisur të sulmojë gazetarët, të cilët përcjellin shqetësimet e vërteta të qytetarëve në zonat e prekura.

Nuk janë kriminelë gazetarët që raportuan njoftimin e Ministrisë së Shëndetësisë se Spitali i Durrësit po evakuohej.

Nuk janë kriminelë gazetarët pse një qytetar u lejua të zhvendoset nga spitali i Durrësit pas dhe, fatkeqësisht, humbi jetën rrugës për në Spitalin e Beratit.

Kriminale në këtë histori është përdorimi politik nga Edi Rama i tragjedisë, i tronditjes, i skamjes, i humbjes së besimit dhe sigurisë për jetën dhe banesën.

Kriminale është që të përpiqesh të shtysh edhe një ditë duke gënjyër, duke mashtruar qytetarët për të fshehur gjurmët e mëdha të krimit?, deklaron Vokshi.

Ish-deputetja inkurajon gazetarët gazetarët të mos intimidohen.

?Në emër të Partisë Demokratike, inkurajoj gazetarët të mos intimidohen nga gjuha e dhunshme, e turpshme, e papranueshme e Edi Ramës.

Ngritja e zërit nga gazetarët, pro interesit publik, është arma e vetme për të zhbërë presionin kriminal të Edi Ramës?, përfundon ajo./ CNA.al





Lajmet e fundit nga