web counter
LEXO PA REKLAMA!

SHKARKO APP

App Store
Google Play

E fundit!

x

Meta falenderon Bebe Rexhën në Ishëm/ Këngëtarja thirrje për shqiptarët nëpër botë

2 Dhjetor 2019, 15:47, Politikë CNA

Nga Ishmi, presidenti Ilir Meta falenderoi këngëtaren shqiptare me famë botërore Bebe Rexhën, e cila ndodhet në Shqipëri për t’ju ardhur në ndihmë familjeve të prekura nga tërmetet e njëpasnjëshme.

“Unë jam shumë mirënjohës ndaj Bebe Rexhës, kësaj artisteje me famë botërore, e cila na ka falur kohën e saj, ka ndryshuar ahxëndën e saj dhe ka vendosur zemrën e saj në radhë të parë në këtë aksion mjaft konkret për të qenë pranë disa prej komuniteteve mjaft të prekura, por mbi të gjitha për të sjellë në vëmendje këtë tragjedi dhe këtë krizë humanitare përpara të gjithë opinionit ndërkombëtar. Prandaj edhe njëherë shumë faleminderit Bebe për këtë solidaritet, për këtë krenari që ndihem që je shqiptare dhe për faktin që je me ne në momente mjaft të vështira”, tha Meta, ndërsa këngëtarja tregoi se deri më tani ka marrë përsipër rindërtimin e dy banesave të shembura.

Gjithashtu Bebe i bëri thirrje të gjithë shqiptarëve nëpër botë, të solidarizohen dhe të ndihmojnë bashkëkombasit e prekur nga tërmetet në Shqipëri.

“Jam shumë krenare që jam shqiptare. Jam shumë lumtur që do të ndihmoj një tjetër familje dhe kjo është shtëpia e dytë që do të ndërtoj dhe siç e thashë jam me fat që jam në Shqipëri, ne jemi shumë të fortë dhe unë jam shumë e lumtur që jam shqiptare dhe jam shumë krenare që do ndihmoj shqiptarë të tjerë. Dhe dua t’i them të gjithë shqiptarëve në botë se kjo është mundësia që ju të ndihmoni shqiptarët, të rindëtoni jetët e tyre”, theksoi ajo./ CNA.al





Lajmet e fundit nga