web counter
LEXO PA REKLAMA!

SHKARKO APP

App Store
Google Play

Dëmet nga tërmeti, kush i solli?/ Eksperti i objekteve zbulon defektet e ndërtimeve

2 Dhjetor 2019, 20:44, Politikë CNA

“Efektet e tërmetit” është tema e emisionit “5 pyetje nga Babaramo”, pjesë e të cilit është  inxhinjer-konstruktori Arben Dervishi, i cili ka qenë pjesë e grupeve të ekspertëve që ndihmuan në ekspertizën e objekteve të dëmtuara nga tërmeti.

Duke folur për gjetjet e konstatuara në terren Dervishi tha se aty ku ka pasur ndërtues seriozë nuk janë konstatuar dëme.

“Në ato vende ku është bërë një projekt serioz, objektet nuk kanë asnjë lloj dëmtimi, ose dëmtime minore që nuk ndikojnë në ruajtjen e jetës. Kur projektohet një objekt me tërmetin maksimal, parashikojmë që në objekt do të ketë dëme materiale, por qëllimi është të ruhet jeta e njerëzve. Fakti që humbën jetë njerëzish nuk e arritën qëllimin për të cilin ishin projektuar. Që do të thotë se projektet kanë pasur mangësi.  Nga verifikimet që kam bërë, kishte objekte që ishin me skelet të padëmtuar por struktura që kishte zgjedhur projektuese ishte e tipit ramë, kolona dhe trarë, ndërkohë në zona të tilla do të ishte e mira të shoqërohej edhe me mure. Objekti nuk kishte dëmtime në strukturë, por në muret jo strukturore.  Kishte objekte me plasaritje të vogla që nuk përbëjnë problem dhe me kosto minimale ndërtohen. Kishte objekte që linte për të dëshiruar cilësia. Në të vjetrat me tulla para viteve ’90, njerëzit kanë ndërhyrë. Jo vetëm në Durrës por edhe në Tiranë, në katet e para, garazhet, që i kanë ulur rezistencën objektit”, vlerësoi inxhinjeri konstruktor Arben Dervishi./CNA.al





Lajmet e fundit nga