web counter
LEXO PA REKLAMA!

SHKARKO APP

App Store
Google Play

E fundit!

x

U kërcënua nga Erion Braçe/ Zbardhet pasuria e gjyqtares që konfirmoi akuzat e Ndojës

10 Nëntor 2019, 11:58, Vetingu CNA

Gjyqtarët dhe prokurorët njëherësh me Vettingun po përballen edhe me sulmet që vijnë nga politika.

Një ndër ta është gjyqtarja e Durrësit, Besjana Garxenaj, e cila është kërcënuar hapur nga zëvëndeskryeministri Erion Braçe,  pasi ishte pjesë e një seance gjyqësore të drejtuar prej saj.

Në fillim të Tetorit, gjyqtarja Besjana Garxenaj, dha vendimin për lënien në burg për ish Drejtorin e Agjencisë shtetërore të Kadastrës Lirdon Pula, i cili akuzohet për shpërdorim detyre.

Gjyqtarja Garxenaj pranoi kështu kërkesën e organit të akuzës, përfaqësuar nga prokurori Arjan Ndoj, ndaj të cilit u bë atentat në fillim të këtij muaji.

Pas përfundimit të seancës, zv kryeministri Erjon Braçe, është shprehur i revoltuar, si për kërkesën e Prokurorisë ashtu edhe për vendimin e Gjykatës.

?Kjo tregon që çdo gjë në gjykimin tim personal është e stisur dhe prokurori dhe gjykatësja në fjalë do duhet të provojnë në Apel ato që edhe pasi u vu në diskutim, prokurori tha: Ne deri në këtë moment kemi këto, nëse ju do sillni prova të tjera ne mund të ndryshojmë qëndrim. Nuk është i akuzuari që sjell prova, por prokurori që duhet të vërtetojë fajësinë?, tha Braçe, pas seancës gjyqësore, duke akuzuar jo vetë prokurorin Arjan Ndoja por edhe gjyqtaren Besjana Garxenaj.

CNA.al ka zbardhur pasurinë e gjyqtares Besjana Garxenaj, nga ku rezulton se burimin e vetëm të të ardhurave e ka nga vetëm nga paga, apo nga kursimet e mëhershme.

Më poshtë po sjellim pasurinë e deklaruar nga gjyqtarja Besjana Garxenaj.

Viti 2015 (Deklarata fillestare)

Autoveturë Mercedez Benz viti i prodhimit i vitit 2009, me vlerë 15 000 euro. Të ardhurat janë krijuar nga koha që punonte si asistente juriste në një kompani ndërtimi dhe nga kursime të familjes.

Llogari bankare, të krijuara me të ardhura nga Shkolla e Magjistraturës në shumën 70 000 00 lekë.

Gjendje cash, me kursimet e të ardhurave nga Shkolla e Magjistraturës dhe të ardhura nga familja në shumën 6 000 00 euro.

Bursë nga Shkolla e Magjistraturës me vlerë 468 000 00 lekë.

Viti 2015 (Deklarata vjetore)

Të ardhura si punonjëse pranë Gjykatës së Tiranës në shumën 110 324 lekë.

Viti 2016

LLogari page në shumnën 15 000 lekë.

Gjendje cash nga të ardhurat personale, nga bursa e shkollës së magjistraturës dhe kursime të familjes në shumën 8 500 euro.

Të ardhura si punonjëse pranë Gjykatës së Tiranës në shumën 971 744 lekë.

Kontratë për sigurimin e jetës me vlerë 2 500 euro në muaj.

Viti 2017

Llogari bankare me të ardhura nga paga në shumën 1 967 65 lekë.

Gjendje cash nga të ardhurat personale, nga bursa e shkollës së magjistraturës, kursime të familjes si dhe nga shitja e makinës në shumën 9 500 euro.

Të ardhura si punonjëse pranë Gjykatës së Tiranës në shumën 80 979 lekë.

Të ardhura si punonjëse pranë Gykatës Durrës, në shumën 847 724 lekë.

Shitje e autoveturës Mercedez Benz në shumën 9 800 euro.

Blerje a autoveturës Toyota Rav 4 me vlerë 8 000 euro.

Kontratë për sigurimin e jetës me fata 20 vite,me vlerë 2 500 euro në muaj.

Viti 2018

Llogari bankare me të ardhura nga paga në shumën 44 629 65 lekë.

Gjendje cash nga të ardhurat personale, nga bursa e shkollës së magjistraturës, kursime të familjes si dhe nga shitja e makinës në shumën 6 500 euro.

Të ardhura si punonjëse pranë Gykatës Durrës, në shumën 961 732 lekë.

Kontratë për sigurimin e jetës me fata 20 vite,me vlerë 2 500 euro në muaj.

Pagesë për arsimin parashkollor të fëmijës në shumën 2 000 euro./CNA.al





Lajmet e fundit nga