E fundit!

14:34 Aktualitet

Edmond Spaho: Edi Rama nuk duhet të japë dorëheqjen

Ish-nënkryetari dhe ish-deputeti i Partisë Demokratike, Ed...

Paralajmëron presidentin Meta/ Xhafa: Këshilli i Emërimeve në Drejtësi me dy standarte

3 Nëntor 2019, 21:21, Politikë CNA

Ish Kryetari i Komisionit të Posaçëm për Reformën në Drejtësi, deputeti socialist dhe ish ministri i Brendshëm, Fatmir Xhafaj, është prononcuar lidhur me tre kandidatet për anëtarë të Gjykatës Kushtetuese, Këshillin e Emërimeve në Drejtësi (KED) dhe qëndrimin presidentit Ilir Meta.

Deklarimet Xhafaj i ka bërë gjatë një prononcimi për “Java News”, kur ka analizuar zhvillimet gjatë seancës dëgjimore të tre kandidatëve në Komisionin parlamentar dhe fundin e procesit të tre kandidaturave të propozuara për të qenë pjesë e trupës së Gjykatës Kushtetuese.

“Të tre kandidatët që u dëgjuan, bënë një prezantim të shkëlqyer dhe me një maturi për t?u vlerësuar, duke u përballur në disa raste edhe me pyetje të pa matura nga individë që në mungesë të njohjes së çështjes, kishin sjellë në Komisionin e Ligjeve thashetheme gazetash. Personalisht më lanë një ndjesi shumë të mirë jetëshkrimet e secilit kandidat. Ishin jo thjesht të plota në çdo detaj, por edhe ndër më të mirat që kemi shqyrtuar në komision. Kur shoh se çfarë përfaqësojnë ato tre zonja për integritetin, aftësitë profesionale dhe përvojën që gëzojnë në fushën ku duhet të shërbejnë, duke marrë në konsideratë edhe moshën relativisht të re, mendoj se jemi në rrugë të mbarë. Nëse do t?i krahasojmë CV-të e tyre me ato të ndonjë prej ish-anëtarëve të Kushtetueses, mund të themi me bindje se në këtë rast ja ka vlejtur plotësisht reforma që kemi implementuar. Besoj fort se nëse ato do të përzgjidhen, do t?i japin një vlerë të re atij institucioni në shumë këndvështrime”, ka qenë përgjigja e dhenë nga Xhafaj, i pyetur lidhur me opinionin e tij personal për tre kandidatët.

“Në media është përcjellë një lajm me burime nga stafi i Presidencës, ku thuhet se kreu i shtetit do t?i kthejë listën e dytë KED-së duke i kërkuar rivendosjen në afat për shkak se duhet të shprehet fillimisht Kuvendi. Keni një reagim për këtë? Ka qenë një tjetër pyetjet adresuar ish kreut të Komisionit të Reformës në Sistemin e Drejtësisë, për të cilën ai është përgjigjur:

“E kam ndjekur këtë informacion në media dhe uroj të mos jetë i vërtetë pasi presidenti do të shkelte hapur nenin 124 të Kushtetutës dhe ligjin përkatës të Gjykatës Kushtetuese (nenin 7b, pika 4) në të cilën shprehet qartë detyrimi i organit për t?u shprehur brenda një afati 30 ditor. Ky detyrim mbizotëron mbi çdo interpretim tjetër. Parashikimi i radhës së ndjekjes në Kushtetutë për secilin organ, fillimisht ka si qëllim përcaktimin e vendit vakant që do të zëvendësohet prej tij, me qëllim ruajtjen në vijimësi të radhës së emërimeve për realizimin e rotacionit të rregullt. Përderisa është përcaktuar qartazi në Kushtetutë, specifikisht vendi vakant që do të zëvendësohet nga ana e secilit organ, e rëndësishme mbetet përmbushja e vullnetit respektivisht prej tyre brenda afatit 30 ditor”.
Ndërkohë deputeti Xhafaj shpreson që, në rast të shpërthimit të një konflikti të ri President ? Kuvend , për këtë temë, Kreu i shtetit të sillet në mënyrë të përgjegjëshme.

“Uroj që të mos ndodh pasi do të ishte e pakuptimtë. Në vlerësimin tim Kushtetuta është e qartë dhe nuk ka vend për interpretime të ndryshme. Shpresoj që të sillen në mënyrë të përgjegjshme me Kushtetutën dhe ligjin. Ndryshe, nuk kanë qëllim krijimin e shpejtë të Gjykatës Kushtetuese por pengimin e saj. Gjithsesi, në këtë rast KED ka përgjegjësinë dhe mundësinë të reagojë në kohë për të zbatuar pa hezitim Kushtetutën e ligjin në fuqi”, ka deklaruar ish Ministri i Brendshëm Fatmir Xhafaj./ CNA.al