web counter
LEXO PA REKLAMA!

SHKARKO APP

App Store
Google Play

E fundit!

x

Raporti i Komisionit të Venecias/ Kryemadhi “merr në mbrojtje” Metën: "Ka zgjidhur gjithmonë kriza të vështira"

7 Tetor 2019, 16:35, Politikë CNA

Kryetarja e Lëvizjes Socialiste për Integrim, Monika Kryemadhi ka folur rreth situatës politike në vend si dhe komentoi raportin paraprak të Komisionit të Venecias për shkarkimin e presidentit Meta.

Sipas Kryemadhit, ?presidenti Meta ka zgjidhur gjithnjë kriza në të gjitha rolet që ka pasur, si kryeministër, kryetar partie, kryetar Kuvendi apo president.”

Ndërsa mori në mbrojtje Metën, Kryemadhi shtoi se Komisioni i Venecias duhet të tregojë nenin që pretendohet se ka shkelur Meta si president për sa i përket zgjedhjeve.

?Nuk jam këtu për të komentuar Komisionin e Venecias, as për të komentuar Presidentin e Republikës, unë do të dëshiroja që Komisioni i Venecias të më tregonte nenin që ka tejkaluar kompetencën Presidenti i Republikës dhe të më tregonte dhe nenin, qoftë në Kushtetutë, ose në Kod Zgjedhor, se kush është institucioni që vendos datën e zgjedhjeve. Me kaq do të isha më se e kënaqur, mjaftojnë këto dy pika. Tashmë po të hyjmë nëprocesin që Komisioni i Venecias flet për zgjedhjet e 30 qershorit, unë nuk besoj që Parlamenti dhe zoti Ruçi kanë drejtuar pyetje për ta pyetur për zgjedhjet e 30 qershorit.

Unë do të dëshiroja që të mos merreshim fare me këtë gjë, sepse po të hyjmë dhe të diskutojmë në të gjithë investigimin të gjithë kësaj situate, do të na dali që lobime të ndryshme, apo edhe fluturime të ndryshme nga Tirana drejt Strasburgut kanë qenë të individëve të caktuar, apo edhe të grupeve të caktuara të interesit. Mendoj që duhet të jemi shumë të kujdesshëm për ata që e kanë bërë një iniciativë të tillë, sepse duke krijuar një raport as mish as peshk mund të mendojnë që mund të mbajnë një lloj balance,?theksoi Kryemadhi për ABC News./CNA.al

 





Lajmet e fundit nga