E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Kurti, lider me vizion”/ Mardhëniet e ndërlikuara me Thaçin, Nesho: Politikën e luan qeveria

7 Tetor 2019, 16:31, Politikë CNA

?Lider me vision?, kështu e ka konsideruar diplomati Agim Nesho kryeministrin e ri të Kosovës Albin Kurtin.

I ftuar në studion e ABC News pasditen e sotme për të folur në lidhje me zhvillimet e fundit në Kosovë, me zgjedhjet e parakohshme parlamentare dhe fitoren e Albin Kurtit si kryeministër, Nesho u shpreh se kreu i Lëvizjes Vetëvendosje është kthyer nga një lider populist në realist.

Sipas Neshos, pushteti ka ndërgjegjësuar kreun e ri të qeverisë në Kosovë, ndërsa referuar zgjedhjeve diplomati tha se personat e ndërshkuar nga to ishin liderët e partive që drejtuan UÇK-në.

?Kemi një ndëshkueshmëri, një plotësim cikli të partive të drejtuesve të UÇK-së. Tani kemi një brez, i cili pas luftës është brez i edukuar në Europë dhe nuk mund të trajtohet në të njëjtën mënyrë nga të tjerët. Të dy liderët nuk kanë provokuar të kaluarën, por janë protagonistët të së ardhmes. Këto zgjedhje ishin edhe një reagim, një votim popullor si do reagonte ndaj projektit të propozuar nga Vuçiç dhe i pranuar nga udhëheqësit lokal për një projekt të ri në Ballkan. Kjo tregoi që kishte reagim ndaj projektit të Vuçiç. Këto vihen re në ardhjen në pushtet të një dysheje si Albin Kurti dhe Vjosa Osmani?, tha Nesho.

Referuar rotacionit të pushtetit me mardhëniet e ndërlikuara Thaçi-Kurti, i pyetur se për ndikimin e tyre në mënyrën e funksionimit të institucioneve, presidencë-ekzekutiv, Nesho shprehet se politikën do ta luajë qeveria.

?Ka një moment që politikën në një qeveri parlamentare e kanë përcaktuar edhe më parë që është qeveria që e luan politikën. Që në parlamentin e shkuar e kufizuan presidentin Hashim Thaçin duke i vënë disa viza të kuqe që kanë të bëjnë me sovranitetit të Kosovës dhe mos prekjen e projektit të Ahtisarit. Në këtë kuptim edhe vota, një votë popullore e forcon këtë gjë. Kemi një president që do të jetë i limituar dhe një kryeministër që me pozicionin e tij që ne nuk e dimë akoma, por ka reflektuar nga e kaluara do të jetë i fortë. Kemi një kryeministër nga një gjeneratë e re?, ka përfunduar diplomati./ CNA.al