E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ramës nuk i del inati me prokurorin e Durrësit/ Do të përgjigjet para ligjit

7 Tetor 2019, 11:12, Politikë CNA

Kryeministri Edi Rama ka zhvilluar sot takimin e përjavshëm me koordinatorët e bashkëqeverisjes.

Gjatë fjalës së tij, Rama nuk i ka kursyer sërish sulmet ndaj prokurorit në Durrës, Arjan Ndoja, të cilin në seancën parlamentare të së enjtes e akuzoi se është i lidhur me bandat dhe i shërben krimit.

Rama u shpreh sot se prokurori Ndoja do të dalë para drejtësisë për të dhënë llogari për gjithçka ka bërë.

Edhe pse nuk e përmendi direkt me emër, Rama tha se ky prokuror është një nga rastet flagrante të shkeljes së ligjit nga vetë përfaqësuesit e drejtësisë.

“Deri tani kemi pasur 45326 ankesa në portal, nga të cilat 44224 kanë marrë përgjigje, ndërsa një mijë janë në proces çka tregon se kemi arritur që të garantojmë respektin e shtetit për qytetarët të cilët nuk e hedhin fjalën në erë apo nuk e lëshojnë ankesën në drejtim të paditur, por kur na adresohen marrin përgjigje. 30 mijë e 427 ankesa kanë marrë përgjigje pozitive, rastet e tjera janë kur ndodh shpesh që qytetarët janë të dëshpëruar nga sistemi i drejtësisë, po aty nuk kemi mundësi.

Ju e patë vetë javën e kaluar një rast flagrant i shkeljes së ligjit dhe jo vetëm por edhe i transformimit të një figure të sistemit të drejtësisë të përfaqësues të interesave të krimit ku sigurisht nuk do i shpëtojë ndëshkimit, por kur vjen puna te ndërhyrja në proces është e pamundur për qeverinë dhe pushtetin ekzekutiv. Se kushtetuta përcakton qartë kufizimet që ne kemi, pavarësisht se mund të jetë e drejtë ajo që qytetari kërkon pas një padrejtësie në dyert e gjykatave.?-tha Rama.

Kryeministri theksoi se të gjithë prokurorët dhe gjykatësit e shkarkuar nga vettingu do të merren të pandehur për shkeljet që u janë gjetur, pasi është kusht i BE-së për integrimin.

?Pastrimi i llumit nga sistemi i drejtësisë ka edhe një efekt negativ të përkohshëm por të rëndë për qytetarët, pasi shumë prokurorë dhe gjykatës të zhytur deri në fund dhe e dinë se nuk do e kalojnë po e shfrytëzojë duke thënë ‘të kapim cfarë të kapim’. Sistemi i ri i drejtësisë kërkon kohë, ndërsa vettingu do ta pastrojë dhe sistemi do të ndëshkojnë ata që janë nxjerrë.

Më vjen mirë që është kthyer në kusht nga BE dhe të jenë të sigurt që do të rikthehen për të dhënë llogari për pasuritë e tyre dhe ata që bëjnë krime ndaj qytetarëve për të përfituar para të zezë për të marrë ‘rroga’, shpërblime nga organizata kriminale, drejtësia mbi ta mund të vonojë edhe ca, por nuk do të harrojë. Ka arritur në 793 numri i masave ndëshkimore falë hetimeve administrative nga platforma. 46 masa në proces për nëpunës, shefa apo drejtues zyrash. Atyre që i bien shkurt dhe thonë se kështu duhet të funksionojë shteti duke shkuar deri te qeveria, u them se kështu funksionon kudo edhe në shtetet më të zhvilluara”-deklaroi Edi Rama./ CNA.al